ءمادينا ءسادۋاقاسوۆا ۇلدى بولدى

  استانا. قازاقپارات - قازاقتىڭ ءانشى قىزى ءمادينا دۇنيەگە شەكەسى تورسىقتاي ۇل اكەلدى. بۇل جايلى ءانشى ءوزىنىڭ facebook پاراقشاسىندا حابارلادى: الحامدۋلليلاح، ۇلدى بولدىق سۇيىكتى جارىم ولجاسپەن!!!
None
None

الەۋمەتتىك جەلىلەردە ءانشىنى جانكۇيەرلەرى مەن تىڭدارماندارى جارىسا قۇتتىقتاپ جاتىر. بۇل قۋانىشتى جاڭالىق جايلى ارىپتەستەرىنىڭ اراسىندا العاشقىلاردىڭ ءبىرى بولىپ «مۋزارت» توبىنىڭ ءانشىسى ساكەن مايعازيەۆ Instagram-داعى جەكە پاراقشاسىندا جازدى:

- «ءسۇيىنشى! ولجاس پەن ءمادينانىڭ اق وتاۋىنا التىن اسىقتاي ۇل كەلدى! يماندى، ءبىلىمدى، ونەرلى بولىپ ءوسسىن!

 ايتا كەتەيىك، ءانشى 1999 - جىلى «جاس قانات» بايقاۋىندا ءان شىرقاپ، ونىڭ ەرەكشە داۋىسىنا ءتانتى بولعان روزا رىمبايەۆا ءوز قامقورلىعىنا الادى، اق جول، ءسات ساپار تىلەيدى. ارتىنشا روزا مەن ءمادينا دۋەت بولىپ شىرقاعان «ماقسات - باقىت باستاۋى»  اتتى اندەرى جارىق كوردى.

1999 - جىلى ءمادينا «ازيا داۋىسى» بايقاۋىندا ءوزىنىڭ باعىن سىنايدى. سول جىلى ول وبلىستا «جىل ادامى» دەپ تانىلادى. ودان كەيىن پرەزيدەنت وركەسترىندە، «گۇلدەر» انسامبىلىندە ءان شىرقايدى. 2004 - جىلى ەرمەك ەلگەزەكتىڭ «ماحاببات جالىنى» اتتى انىنە العاشقى بەينەبايانىن تۇسىرەدى. سەزىمگە تولى، كەرەمەت ءان حالىق اراسىندا كەڭىنەن تارالىپ كەتتى. اراعا كوپ ۋاقىت سالماي «اڭساعانىم» دەپ اتالاتىن ءوزىنىڭ تۇڭعىش ءان جيناعى جارىق كورەدى.

ەستەرىڭىزگە سالا كەتەيىك، حالىقتىڭ سۇيكىمدى دە ەركە قىزى ءمادينا ءسادۋاقاسوۆا بيىل 2 - اقپان كۇنى سۇيىكتىسى ولجاس سماعۇلوۆپەن تۇرمىس قۇردى. جاس- جۇبايلاردىڭ تويى Esperenza رەستورانىندا ءوتتى.

ءمادينا جارى ولجاسپەن وسىدان 4 جىل بۇرىن تانىسىپ، تەك 2013 -جىلدان بەرى عانا كەزدەسە باستاعان. ال كۇيەۋ جىگىت ولجاس ءماديناعا تۇرمىسقا شىعۋعا ۇسىنىستى ونىڭ تۋعان كۇنى 8 -قىركۇيەكتە ءتاتتى تورتتىڭ ىشىنە ساقينا سالىپ ايتقان ەكەن. بىز دە ءوز تاراپىمىزدان ءمادينانى قۇتتىقتاپ، كىشكەنتايىنىڭ باۋى بەرىك بولسىن دەمەكپىز.





سوڭعى جاڭالىقتار