شىنجاڭدا لاڭكەستىك جاساۋعا ايىپتالعان تاعى ون ءۇش ادامعا ءولىم جازاسى كەسىلدى
مۇنداي شەشىمدى ق ح ر ش ۇ ا ر- نىڭ جەرگىلىكتى سوتتارى شىعاردى.
7 قىلمىستىق ءىس ماتەريالدارى بويىنشا ايىپتالعان ون ءۇش ادام لاڭكەستىك توپتاردى ۇيىمداستىرعانى جانە وعان باسشىلىق ەتكەنى، قاتىسقانى، سونداي- اق قاساقانا ادام ءولتىرۋ، ءورت قويۋ، جارىلعىش زاتتاردى دايىنداۋ، ساقتاۋ جانە تاسىمالداۋ قىلمىستارى ءۇشىن ءولىم جازاسىنا كەسىلدى.
ولاردىڭ ىشىندە ءۇش ادام 2013 - جىلى ماۋسىمدا ش ۇ ا ر اكىمشىلىك ورتالىعى - ءۇرىمجى ماڭىندا ورنالاسقان تۇرفان وكرۋگىندە لاڭكەستىك ارەكەت ۇيىمداستىرعانى ءۇشىن ەڭ جوعارى جازاعا تارتىلدى. وسى شابۋىل كەزىندە 24 ادام قازاعا ۇشىراپ، 23 ءى جارالانعان بولاتىن.
ەسكە سالا كەتەيىك، سول كەزدە ادامداردىڭ بەلگىسىز توبى پوليتسەي ۋچاسكەسىنە، قارۋلى پوليتسيا ارنايى بولىمشەسىنە، جەرگىلىكتى اكىمشىلىق عيماراتىنا جانە ميگرانت جۇمىسشلاردىڭ قۇرىلىس الاڭىنا شابۋىل جاساعان بولاتىن. شابۋىل بارىسىندا پوليتسەيلەر ماشيناسى ورتەلدى. پوليتسيا قىزمەتكەرلەرىنىڭ قارۋ قولدانۋى ناتيجەسىندە ون ءبىر شاپقىنشى ءولتىرىلدى، تورتەۋى قولعا ءتۇستى.
