تۇرعىن ءۇي ماشاقاتى كوبەيۋدە
جوسپار بويىنشا جىل سايىن 6000 ءۇي سالىنعان كۇننىڭ وزىندە، كەزەكتىڭ سوڭىنداعىلار باسپاناعا 45 جىلدان كەيىن قول جەتكىزەدى.
ق ر پارلامەنت ءماجىلىسى ءتوراعاسىنىڭ ورىنباسارى داريعا نازاربايەۆا وسىنداي ماسەلە كوتەردى. ونىڭ ايتۋىنشا، تۇيتكىلدى شەشۋ ءۇشىن جاتاقحانا تيپىندەگى شاعىن تۇرعىن ۇيلەر سالۋ قاجەت. كەيىننەن سول پاتەرلەردى الەۋمەتتىك جاعدايى تومەن وتباسىلاردىڭ جالداپ تۇرۋىنا مۇمكىندىك بەرۋ كەرەك.
داريعا نازاربايەۆا، ق ر پارلامەنتى ءماجىلىسىنىڭ دەپۋتاتى:
- حالىقتى تۇرعىن ۇيمەن قامتاماسىز ەتۋ ماسەلەسىنە ارنالعان پارلامەنتتىك تىڭداۋلاردىڭ وتكەنىنە 1,5 جىل بولدى. الايدا ونداعى ۇسىنىستار تەك قاعاز جۇزىندە قالدى.
قازىر الماتى مەن استانا قالالارى جانە 4 وبلىس قانا شاعىن وتباسىعا ارنالعان ءۇي سالۋ جوسپارىن جاسادى. بىزگە حالىق تۇرعىن ۇيلەردى ادىلەتسىز بولەدى دەپ شاعىمدانىپ حات جازادى.
وسىنى رەتتەۋ ءۇشىن رەسپۋبليكالىق كوميسسيا جاساقتايىق دەگەن ۇسىنىس بىلدىردىك. بۇل دا ورىندالمادى.
بولات جامىشيەۆ، ق ر وڭىرلىك دامۋ ءمينيسترى:
- قازىر ءبىز تۇرعىن ءۇي قۇرىلىس جيناق بانكىنىڭ تاپسىرىسىمەن سالىناتىن ۇيلەردىڭ 50 پايىزىن، يپوتەكالىق كومپانيا ارقىلى 70 پايىز، سامۇرىق قازىنانىڭ سالاتىن ۇيلەرىنىڭ 100 پايىز جەرگىلىكتى اتقارۋشى ورگاندارعا بەرەمىز. ولار وندا باسپانا كەزەگىندە تۇرعانداردى قونىستاندىرادى. جەرگىلىكتى اتقارۋشى ورگاندار «قولجەتىمدى باسپانا-2020» باعدارلاماسى اياسىندا تۇرعىن ءۇي سالعان كومپانيالارعا عانا جەر بەرۋ كەرەك. سوندا ءۇي كەزەگىن قىسقارتۋعا بولادى دەيدى دەپۋتات مۇحتار تىنىكەيەۆ.
مۇحتار تىنىكەيەۆ، ق ر پارلامەنتى ءماجىلىسىنىڭ دەپۋتاتى:
- مەن بارلىق اكىمدەرگە، جاس وتباسىلار مەن مۇگەدەكتەرگە ارنالعان قولجەتىمدى باعاداعى 5-6 ءۇي سالعاننان كەيىن جەر بەرسىن دەپ ايتامىن. ولاردىڭ وعان مۇمكىندىگى جەتەدى.
24.kz
