وسى اپتادا پرەزيدەنت پاك كىن حە قازاقستانعا رەسمي ساپارىمەن كەلەدى

استانا. قازاقپارات - وسى اپتادا وڭتۇستىك كورەيا رەسپۋبليكاسىنىڭ پرەزيدەنتى پاك كىن حە ەلىمىزگە رەسمي ساپار جاساماق.

ەلورداداعى كەزدەسۋ قارساڭىندا ول «حابار» اگەنتتىگىنە» ارنايى سۇحبات بەرىپ، ءوز ويىمەن ءبولىستى.

ەل تىزگىنىن قولىنا العان حانىم جىبەك جولىنىڭ ەكسپرەسىن قۇرۋدى ۇسىنۋدا. ول ءۇشىن اۋەلى قۇرلىق تۇرعىندارىن جاپپاي توعىستىرۋ ءۇشىن لوگيستيكالىق جەلىلەردى بىرىكتىرۋ كەرەكتىگىن ايتتى. وڭتۇستىك كورەيادان اتتانعان ەكسپرەسس سولتۇستىك كورەياعا، كەيىن قىتاي مەن قازاقستانعا جانە ەۋروپاعا بارماق.

بۇل جەردە تاسىمالدىڭ بارلىعىن تەمىرجول ارقىلى ىسكە اسىرعان ءجون ەكەندىگىن دە اتاپ ءوتتى. بۇل ويدى جۇزەگە اسىرۋدا ەۋرازيالىق قۇرلىقتىڭ كىندىگىندە ورنالاسقان قازاقستاننىڭ ماڭىزى زور.

سوندىقتان الداعى بۇل ساپار ەكى ەل اراسىنداعى قارىم-قاتىناستى ودان ءارى بەكەمدەپ، مەملەكەتتىك بايلانىستىڭ تامىرىنا قان جۇگىرتەرى انىق.

پاك كىن حە، كورەيا رەسپۋبليكاسىنىڭ پرەزيدەنتى:

- مەن ەۋرازيا قۇرلىعىنا مۇقيات نازار اۋدارىپ وتىرمىن. ەۋرازيا كورەيانى ەۋروپامەن بايلانىستىرادى. بۇل كەڭىستىك اۋقىمدى ءارى رەسۋرستارعا باي. سوندىقتان دا ايماقتى بولاشاقتىڭ ماڭىزدى نارىعى دەر ەدىم. ءبىز ەۋرازيا قۇرلىعىن ادامدار ءبىر-بىرىمەن ۇيلەسىمدى ءومىر ءسۇرىپ، ىنتىماقتاساتىن مەكەنگە اينالدىرعىمىز كەلەدى.

24.kz