20:32, 16 - ماۋسىم 2014 | GMT +5
جاساندى قان جاسالۋى مۇمكىن
استانا.قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە قاراعاندا، جىل سايىن شامامەن 170 ميلليون ادام قان تاپسىرىپ، دونور بولادى ەكەن.

الايدا، مۇنىڭ ءوزى جەتپەيتىن كورىنەدى. ونىڭ ۇستىنە، قاننىڭ سايكەس كەلمەۋ قاتەرى بارىن دا قاپەردەن شىعارۋعا بولمايدى. وسى ولقىلىقتىڭ ورنىن تولتىرۋ ءۇشىن بريتاندىق Roslin Cells كومپانياسى جاسۋشادان جاساندى قان جاساۋدى قولعا الماقشى. قازىرگى ۋاقىتتا اتالمىش كومپانيا وسى ماقساتتى جۇزەگە اسىرۋ ءۇشىن Wellcome Trust قورنىنان 8 ميلليون دوللار الىپ، زەرتتەۋ جۇمىستارىن جۇرگىزىپ جاتىر. ءبىر ەرەكشەلىگى، جاساندى قاندى قانداي توپقا جاتاتىنىنا قاراماستان كەز كەلگەن ادامعا قولدانۋعا بولادى.