19:13, 16 - ماۋسىم 2014 | GMT +5
الماتى وبلىسىندا تىكۇشاق ىلە وزەنىنە اپاتتى جاعدايدا قوندى - فوتو
استانا. قازاقپارات - الماتى وبلىسىنىڭ ت ج د كەزەكشى بولىمىنە اقكول اۋىلىنىڭ وڭتۇستىك باتىسىنان 9 شاقىرىم جەردە، ىلە وزەنىنە BELL-206 تىكۇشاعى اپاتتى جاعدايدا قونعانى تۋرالى حابارلاما ءتۇستى.

الماتى وبلىسىنىڭ ت ج د باسپاءسوز قىزمەتىنەن حابارلاعانداي، «قازاۋەناۆيگاتسيا» ديسپەتچەرىنەن الىنعان دەرەكتەرگە سايكەس، تىكۇشاق «اۋەپارك» ج ش س- عا تيەسىلى. باقتى- ارال توبە باعىتى بويىنشا ا پ ك 1906 رەيسى جەكە ماقساتتا ۇشىرىلعان. تىكۇشاق قونعان كەزدە ىلە وزەنىنىڭ جاعالاۋىندا بولعان ورمانشى بەرىك ارىستانبايەۆ زارداپ شەككەندەردى جاعالاۋعا شىعارعان.
زارداپ شەككەن ۇشقىش پەن جولاۋشى بالقاش اۋداندىق اۋرۋحاناسىنا جەتكىزىلىپ، مەديتسينالىق كومەك كورسەتىلدى.