قازاقستان ءۇشىن نۇرسۇلتان نازاربايەۆ تۇركيا ءۇشىن مۇستافا كەمال اتاتۇرىك سياقتى - بەكىر بوزداق

 استانا. قازاقپارات - قازاقستاننىڭ تۇركياداعى ەلشىسى جانسەيىت تۇيمەبايەۆ ەكىجاقتى ىنتىماقتاستىقتى دامىتۋ جانە «قازاقستان -2050» ستراتەگياسى اياسىنداعى قازاقستاننىڭ باستامالارىن تالقىلاۋ ماقساتىندا تۇركيانىڭ ادىلەت ءمينيسترى بەكىر بوزداقپەن كەزدەستى.
None
None

بۇل تۋرالى ق ر ءس ءى م باسپا ءسوز قىزمەتىنەن حابارلايدى.

ج. تۇيمەبايەۆ ب. بوزداقتى قازاقستاننىڭ قۇقىق سالاسىنداعى سوڭعى وزگەرىستەر تۋرالى حاباردار ەتىپ، ەكى ەلدىڭ ادىلەت ورگاندارى اراسىنداعى ءوزارا ىقپالداستىقتىڭ ماڭىزدىلىعىن اتاپ ءوتتى.

ءوز كەزەگىندە مينيستر قازاقستان مەن تۇركيا اراسىنداعى ىنتىماقتاستىق دەڭگەيىنىڭ جوعارى ەكەنىن بىلدىرە وتىرىپ، ونى جوعارعى دەڭگەيلى ستراتەگيالىق ۋاعدالاستىقتار نەگىزىندە دامىتۋدىڭ ماڭىزدىلىعىن اتاپ ءوتتى. ب. بوزداق قازاقستان تاۋەلسىزدىك العاننان بەرى قۇقىق سالاسىن قوسا العاندا، كوپتەگەن جەتىستىكتەرگە قول جەتكىزە بىلگەنىن جوعارى باعالاپ، تۇركيانىڭ ەكىجاقتى ىنتىماقتاستىقتى دامىتۋعا ازىرلىگىن ءبىلدىردى.

ونىڭ ايتۋىنشا، قازاقستان سىرتقى ساياساتىن ەل حالقىنىڭ جاعدايىن كوتەرۋ شارالارىنا نەگىزدەلە وتىرىپ، ساليقالى تۇردە قۇراستىرۋدا جانە قازىرگى ستارتەگيالىق دامۋىنىڭ باعىتىن دۇرىس تاڭداي ءبىلدى. ق ر پرەزيدەنتى ن. نازاربايەۆتىڭ تۇلعاسىنا اسا قۇرمەتىن بىلدىرىرە وتىرىپ، قازاقستاننىڭ ەلباسى حالىقارالىق باستامالارعا ءوز ۇلەسى نەگىزىندە تەك ءوز مەملەكەتىندە عانا ەمەس، سونداي- اق الەمدە، سونىڭ ىشىندە تۇركى قوعامداستىعى اراسىندا زور بەدەلگە يە ەكەنىن مالىمدەدى. سونىمەن قاتار، «قازاقستان-2050» ستراتەگياسىندا جانە ن. نازاربايەۆتىڭ ەل حالقىنا 2014 -جىلعى جولداۋىندا زەرتتەۋگە تۇرارلىق جانە تەك قازاقستاننىڭ ازاماتتارىنا عانا ەمەس، سونداي- اق قىزىعۋشىلىق تانىتقان كەز كەلگەن ادام ءۇشىن ۇلگى بولا الاتىن كوپتەگەن ماسەلەلەر ايتىلعانى تۋرالى پىكىر ءبىلدىردى.

ب. بوزداق: «قازاقستان ءۇشىن نۇرسۇلتان نازاربايەۆ تۇركيا ءۇشىن مۇستافا كەمال اتاتۇرىك سياقتى. مۇنداي تۇلعالار داۋىرلەردىڭ قاتەرلى توعىسى كەزەڭىندە دۇنيەگە كەلەدى. جاڭا ستراتەگيا كوشباسشىڭىزدىڭ كورەگەندىگىن جانە دانالىعىن بىلدىرەتىن تاعى دا ءبىر كورسەتكىش» ، - دەپ مالىمدەدى.

تاراپتار كەزدەسۋ بارىسىندا ەكىجاقتى قارىم- قاتىناستارعا ريزاشىلىق ءبىلدىرىپ، قازاق- تۇرىك ىنتىماقتاستىعىنىڭ بولاشاعىن تالقىلادى. سونىمەن قاتار، قۇقىق سالاسىنداعى ىنتىماقتاستىق دامۋى قارقىنىن، تاجىريبە الماسۋ جانە كادرلاردى دايارلاۋ سياقتى ماسەلەلەردىڭ ۇدەمەلى ۇلعايىپ كەلە جاتقانىن ايتتى. قازىرگى كەزگە دەيىن تۇركيانىڭ ادىلەت اكادەمياسىندا ءتۇرلى باعدارلامالار اياسىندا قازاقستاننىڭ 200 دەن استام سوت وكىلى، پروكۋرور جانە ادىلەت ورگاندارىنىڭ قىزمەتكەرلەرى ءبىلىم الىپ شىقتى.

تاراپتار كەزدەسۋدىڭ قورىتىندىسى بويىنشا ەكى ەلدىڭ قۇقىقتىق سالالارى باعىتىندا ىنتىماقتاستىقتى دامىتۋعا كەلىستى.

سوڭعى جاڭالىقتار