جاسىنداي جالىنداپ كەتكەن قازاق اكتەرلارى
ول جايلى ويلاپ كەتسە فيلمدەگى بەينەسى مەن جاساعان قىلىقتارى قوس جانارىنا تاسپاداي اينا قاتەسىز كورسەتەدى.
سوناۋ كەڭەس زامانىندا بالالار فيلمى وتە قارقىندى ەتەك الدى. سول كەزدە وزدەرىنىڭ رولدەرىن جۇرەكتەرىمەن ويناپ كەتكەن كەي اكتەرلاردى قاۋمالاعان ءدۇيىم حالىق اڭسارى قاھ. ولاردىڭ كەيىڭگى تاعدىرلارى قانداي بولدى ەكەن؟!
1. «مەنىڭ اتىم - قوجا» فيلمىندە سۇلتاننىڭ ءرولىن ويناعان ۇزىن بويلى ەلگەزەك بالانى بارلىعىمىز جاقسى تانيمىز. ونىڭ شىن اتى-ءجونى مارات كوكەنوۆ بولاتىن. ونى رەجيسسەر مونشادا وتىرعان كەزىندە باستى كەيىپكەر قىپ تاڭداپ السا كەرەك. ونىڭ ارسىل-گۇرسىل قيمىلدارى، سۇراق قويا قالساڭ تىلمەن قايراپ تاستاۋى ابدۋللا قارساقبايەۆقا قاتتى ۇناسا كەرەك.
رەجيسسەر اناسىنان رۇقسات الىپ ماراتقا سۇلتاننىڭ ءرولىن ويناۋدى تاپسىردى. ول ەل كۇتكەننەن ارتىق ويناپ شىقتى. سوتقارلىعى، قوجانى ءتۇرلى قىلمىستارعا تارتۋى ءبارى-ءبارى كوزقاراستى اعايىننىڭ ەسىندە جاتتالىپ قالدى.
ءبىراق، مارات كوكەنوۆ وسىدان باسقا فيلمگە تۇسپەگەن ەكەن. بالا كەزىندەگى اۋرۋىنان كوز جۇمسا كەرەك.
«جاساي بەرسىن جۇماعىل!..»
2. التى جاسار الپامىستى بىلمەيتىن جۇرت كەمدە-كەم. سول بىلىمگە قۇشتار بالانىڭ قاليقان دەگەن دوسى بار بولاتىن. سارى دومالاق بالانىڭ وبرازىن سومداعان ۇلان سارباسوۆ ەدى. ءوزى سونداي بۇزىق بولعانىمەن، ساباق مۇلدە ىنتاسى جوق بولسادا جان دوسى ءۇشىن بارىندە جاسايتىن.
الپامىستىڭ مەكتەپتە وقۋىنا سەبەپ بولىپ، ول وقىماسا مەندە وقىمايمىن دەپ قيقار سالعان بالعىن بالانى ۇمىتۋ مۇمكىن ەمەس. ونىڭ ءومىرى تۋرالى ەشقانداي مالىمەتتەر جوق. ءتىپتى تاعدىرىدا بەيمالىم بوپ قالىپ وتىر.
3. «زامان -اي» فيلمىندەگى باستى ءرولدىڭ ءبىرىن سومداعان امانتاي دەگەن بالا بار بولاتىن. سول جايىندا فيلم تۇسىرگەن رەجيسسەر بولات ءشارىپ بىلاي دەيدى: "ارتىستەردى تاڭداعاندا ارنايى بايقاۋ جاريالاعان جوقپىز، بىلەتىن، قابىلەتىنە سەنەتىن ارتىستەردى بايقاۋسىز-اق رولگە بەكىتتىك. سولاردىڭ ىشىندە قيقىموۆ ومار دەگەن دراما تەاتردىڭ دارىندى اكتەرى دە بولدى.
وماردىڭ جانىندا ەرىپ كىشكەنتاي بالاسى دا جۇرەتىن. اسسيستەنتىم ساۋلەبەك اسىلحانوۆقا اماناي رولىنە لايىقتى بالا ىزدەۋگە تاپسىرما بەرگەم. ءبىراق، الگى بالانى كورگەننەن كەيىن ءبىراۋىزدان تاڭداۋىمىز سوعان ءتۇستى. سونداي ءبىر وتكىر بالا ەكەن. مۇڭ دەسەڭ - مۇڭ، قۋانىش دەسەڭ - قۋانىش، ۇرەي دەسەڭ - ۇرەي - ءبارى ءسابيدىڭ وتتاي جانعان جانارىندا تۇردى. ءتىل سايراپ تۇر. بالانىڭ ونەردەن الىس ەمەس ەكەنىن، تەاتردا تالاي سپەكتاكلدەردە ويناپ جۇرگەنىن اكەسى دە ايتتى. ءسويتىپ، ارىستان بارلىعىمىزبەن تەز دوستاسىپ كەتتى. ءتۇسىرىلىم بولسىن، بولماسىن، مەن ول بالانى قيماي، وزىممەن بىرگە ۇنەمى ەكسپەديتسياعا الىپ ءجۇردىم.
فيلمدە ۇڭگىرگە وتەتىن اجەسى ەكەۋىنىڭ ءساتى بار ەمەس پە؟ سول كورىنىستى تۇسىرەر كەزدە، «ءاي، مىنا بالا بۇل جەردى الا-الا ما، الا-الماي ما؟ » - دەپ ىشتەي ءوزىم كۇدىكتەنىپ ءجۇردىم. بالانىڭ كوزىنەن جاس شىعۋى كەرەك دەگەندەي. مەن ايتپاسام دا سەزىمتال بالا ءوزى سەزىپ، مەنەن: «بولات اعا، مىنا جەردە جىلايىن با؟ - دەپ سۇرادى. مەن: «شاماڭ كەلە مە، جاساي الاسىڭ با؟ - دەپ قايتا-قايتا سۇرايمىن. - الاڭداماڭىز، جاسايمىن. كامەراڭىزدى دايىنداڭىز! - دەدى. جالپى، مەن العاشقى دايىندىقتان-اق تۇسىرگەندى جاقسى كورەمىن. سوندىقتان مەن ونى بىردەن تۇسىرۋگە دايىندادىم. ءبىرىنشى دۋبلدە «موتور» دەگەننەن-اق ءبارىمىز تاڭقالدىق. اجەسىنىڭ قوينىنا بارىپ، قۇشاقتاسىپ، جىلاعاندا قالايشا تەبىرەنبەسسىز. وسى ءبىر كورىنىستىڭ شىنايىلىعى سونشالىق، ءتۇسىرىلىم توبىنىڭ بارلىعى اڭ-تاڭ بولدىق تا قالدىق. شەبەرلىك، تۋما تالانت دەگەن وسى "كينو سالاسىندا دا، تەاتر سالاسىندا دا ءوزىڭ كوپشىلىككە قالتقىسىز مويىنداتقان ارىستان ومار ۇلى قيقىموۆتىڭ ءومىرى 1998 - جىلدىڭ 16 - مامىرى كۇنى ماڭگىلىككە اياقتالدى. بۇل كەزدە ول 15 جاستا ەدى...
blogtime
