تيانانمەن الاڭىندا لاڭكەستىك اكتىسىن جاساعاندارعا ءولىم جازاسى ۇكىمى شىعارىلدى
بۇگىن ق ح ر- دىڭ شىنجاڭ- ۇيعىر اۆتونوميالىق ولكەسىنىڭ اكىمشىلىك ورتالىعى ءۇرىمجى قالاسىندا حالىق سوتى وسىنداي ۇكىمدى جاريا ەتتى.
سوت «قوعامدىق تارتىپكە قارسى قىلمىستى ۇيىمداستىرعانى جانە لاڭكەستىك توپ قۇرعانى ءۇشىن» دەگەن ايىپپەن ءۇش ادامعا اتۋ جازاسىن بەردى، بەسەۋىنە ءومىر بويى تۇرمەگە وتىرۋ جازاسى تاعايىندالدى جانە 5 جىلدان 20 جىلعا دەيىن مەرزىمگە تيىسىنشە باس بوستاندىعىنان ايىرۋعا سوتتالدى.
ەسكە سالا كەتەيىك، 2013 - جىلعى 28 - قازاندا تيانانمەن الاڭىندا لاڭكەستىك اكت جاسالدى. لاڭكەس باسقارعان جول تالعامايتىن ماشينا ادامدار توبىنا قاراي باعىتتالىپ، سوڭىنان جارىلدى. ونىڭ سالدارىنان التى ادام قازاعا ۇشىرادى، تاعى 39 ى جارالاندى.
قىتاي بيلىگى 22 - مامىرداعى ءۇرىمجى بازارلارىنىڭ بىرىندە بولعان لاڭكەستىك اكتىسىنەن كەيىن ءبىر جىل بويى لاڭكەستىككە قارسى ناۋقان جۇرگىزدى. سوندا بىرنەشە جارىلىستاردان 39 ادام مەرت بولىپ، 94 ى جارالانعان ەدى.
شىنجاڭنىڭ جەرگىلىكتى سوتتارى 5 - شىلدەدە 12 ادامعا ءولىم جازاسىن كەستى، تاعى 69 ادام ءومىر بويى تۇرمەگە قامالدى جانە لاڭكەستىك ۇيىم قىزمەتىنە قاتىسقانى نەمەسە باسشىلىق ەتكەنى، سونداي- اق قاساقانا ادام ءولتىرۋ مەن ءورت سالۋ قىلمىستارىن جاساعانى ءۇشىن ءارتۇرلى مەرزىمدەرگە باس بوستاندىعىنان ايىرىلدى.
