ۋكرايناداعى قاقتىعىستارعا قاتىسىپ جاتقان قازاقستاندىقتار جوق - ق ر سء ى م
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە جۋرناليستەردىڭ سۇراقتارىنا جاۋاپ بەرۋ بارىسىندا ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ مالىمدەدى.
«بىزدە قازىرگى كەزدە بۇل ماسەلەگە قاتىستى ەشقانداي مالىمەت جوق» ، - دەدى ۆيتسە- مينيستر.
سونداي- اق، ول وسىدان ءبىراز ۋاقىت بۇرىن ۋكراينالىق باق- تا جارىق كورگەن ۋكرايناداعى قارۋلى قاقتىعىستارعا قازاقستاندىقتاردىڭ جاپپاي قاتىسىپ جاتقاندىعى تۋرالى اقپاراتتى جوققا شىعاردى.
«بۇل الىپ- قاشپا اڭگىمەلەرگە كەلەر بولساق، مۇنداي وقيعامەن كاۆكازداعى، وڭتۇستىك كاۆكازداعى قاقتىعىستار كەزىندە دە كەزدەسكەنبىز. مۇنداي اقپاراتتار ءجيى شىعادى، الايدا ولار راستالماي قالادى. نەمەسە اڭگىمە بۇرىن قازاقستاندا تۋىپ، قازىر باسقا ەلدىڭ ازاماتتىعىمەن جۇرگەن ادامدارعا قاتىستى بولىپ شىعادى» ، - دەپ ءتۇسىندىردى ە. اشىقبايەۆ.
اۆتور: ءابۋ- اسقار مەكەش ۇلى
