قازاقستاننىڭ سولتۇستىك وڭىرلەرىن رەسەيگە «قايتارۋ» كەرەك دەپ جۇرگەندەرگە نازار اۋدارماۋ كەرەك- سىرتقى ىستەر مينيسترلىگى

استانا. قازاقپارات - قازاقستاننىڭ سولتۇستىك وڭىرلەرىن رەسەيگە بەرۋ كەرەك دەپ الەۋمەتتىك جەلىلەردە داۋرىعىپ جۇرگەندەرگە ب ا ق وكىلدەرى قاجەت ەمەس پيار (جارناما) جاساۋدا.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە جۋرناليستەردىڭ سۇراعىنا جاۋاپ بەرۋ بارىسىندا ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ ايتتى.

«ەگەر دە ءبىز مۇنداي مارگينالدى توپتاردى ءجيى ەسكە الىپ، ءجيى ايتا بەرەتىن بولساق، ءوزىمىز ولارعا ەرىكسىز پيار جاسايمىز. ولاردىڭ بۇرىندارى رەسەي فەدەراتسياسىنا قاراستى جەرلەردى قايتارۋ كەرەك- مىس دەگەن اشۋ تۋعىزار سوزدەردى ايتۋداعى كوزدەگەنى دە - وسى» ، - دەدى ول.

ونىڭ ايتۋىنشا، وسىنداي توپتاردىڭ سوزدەرىنە ب ا ق وكىلدەرى نەعۇرلىم از نازار اۋدارسا، بىزگە تيەتىن پايداسى دا سوعۇرلىم كوپ بولماق. سونداي- اق، ۆيتسە- ءمينيستردىڭ ايتۋىنشا، بۇگىندە الەۋمەتتىك مەديا ەشقانداي تۇساۋ سالىنبايتىن ەرەكشە كەڭىستىك. «سىزدەر ادامداردىڭ ويلارىن باقىلاۋدا ۇستاپ وتىرا المايسىزدار عوي» ، - دەيدى ە. اشىقبايەۆ.

ۆيتسە- ءمينيستردىڭ ايتۋىنشا، بۇگىندە قازاقستان مەن ونىڭ ماڭىزدى ستراتەگيالىق ارىپتەسى - رەسەي فەدەراتسياسى اراسىندا ەشقانداي تەرريتوريالىق كەلىسپەۋشىلىك جوق.

«ءبىز ەڭ الدىمەن وسى رەسمي ۇستانىمعا نىق بولۋىمىز قاجەت» ، - دەدى ە. اشىقبايەۆ.

اۆتور: ءابۋ- اسقار مەكەش ۇلى