اۋدارىسپاقتان ازيا چەمپيونى ءبىرجان قوساليەۆ سۋ جاڭا «تويوتا» كولىگىن ءمىندى - فوتو
وعان چەمپيوناتتىڭ «التىن بەلبەۋى» تاعىلىپ، سۋ جاڭا «تويوتا» جەڭىل كولىگى سىيعا تارتىلدى، دەپ حابارلايدى «نۇر وتان» پارتياسىنىڭ باسپا ءسوز قىزمەتى تۆيتتەردەگى پاراقشاسىندا.
«اۋدارىسپاقپەن شۇعىلدانىپ جۇرگەنىمە بەس جىلداي بولدى. وسى ۋاقىت ارالىعىندا قازاقستاننىڭ ەكى مارتە چەمپيونى اتاعىن جەڭىپ الدىم. ازيا چەمپيوناتىنا ەكى ايدىڭ شاماسىندا دايىندىق جۇرگىزدىم. جەڭىسكە جەتۋىمنىڭ ءبىر سىرى، پالۋانداردىڭ ءادىس- ايلاسىن تانىپ، ءالسىز تۇستارىن مۇقيات قاداعالاپ وتىردىم» ، - دەدى جەڭىمپاز.
بۇگىنگى كۇندە اۋدارىسپاق تەك قازاقستاندا ەمەس، سونداي- اق اۋعانستان، ءازىربايجان ءتىپتى ۆەنگريا مەملەكەتتەرىندە دامىپ، ۇلكەن قىزىعۋشىلىق تۋدىرۋدا. چەمپيوناقتا تىڭ دايىندىقپەن كەلگەن موڭعوليا كومانداسى وزدەرىنىڭ مىقتى قارسىلاس ەكەندىكتەرىن تانىتا ءبىلدى.
ايتا كەتەيىك، اۋدارىسپاقتان ІІ ازيا چەمپيوناتى ارادا ەكى جىلدان سوڭ، ياعني 2016 - جىلى قىتايدا وتەتىن بولدى.
