08:53, 16 - ماۋسىم 2014 | GMT +5
ستۋدەنت قىز تالدىقورعان ارۋى اتاندى - فوتو
تالدىقورعان. قازاقپارات - كەشە ءىلياس جانسۇگىروۆ اتىنداعى مادەنيەت سارايىندا «تالدىقورعان ارۋى-2014» اتتى جىل سايىنعى ءسان مەن ونەر بايقاۋىنىڭ اقتىق سىنى ءوتتى.
فينالعا شىققان 16 قىزدىڭ ىشىندە توپ جارىپ شىققان 17 جاسار ستۋدەنت ايدانا ماجبەك جەڭىمپاز اتاندى.
بيىلعى بايقاۋعا قاتىسۋشىلار وتكەن جىلدارمەن سالىستىرعاندا الدەقايدا كوپ بولدى. وبلىستان 68 قىز ءوتىنىم بەردى، ونىڭ 16 سى فينالعا شىقتى. ايتا كەتەيىك، ءىس- شارانىڭ رەيتينگى 2012 - جىلى تالدىقورعان ارۋى بولعان اينۇر تولەۋوۆانىڭ قازاقستان ارۋى اتانعانىنان كەيىن وسە ءتۇستى.
وبلىس ارۋى بولعان ايدانا ماجبەك ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى زاڭ فاكۋلتەتىنىڭ 1-كۋرسىن ءتامامداعان. وقۋدان تىس ۋاقىتتا ايدانا بيمەن شۇعىلدانادى.
