استانادا اۋدارىسپاقتان العاشقى ازيا چەمپيوناتى ءوتتى- فوتو
شارانىڭ اشىلۋ سالتاناتىندا ءسوز سويلەگەن «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ويىن كورەرمەندەرىن ايتۋلى وقيعامەن قۇتتىقتاي وتىرىپ، مۇنداي ۇلتتىق سپورت ءتۇرىن دامىتۋدىڭ ماڭىزدىلىعىن ايرىقشا اتاپ ءوتتى.
بايراقتى باسەكەدە 11 مەملەكەتتىڭ 33 سپورتشىسى - قىتاي، رەسەي، تۇركيا، ۆەنگريا، اۋعانستان، قىرعىزستان، تاجىكستان، وزبەكستان، ازەربايجان، موڭعوليا جانە قازاقستاننىڭ ات قۇلاعىندا وينايتىن، ساڭلاق سپورتشىلار قاتىسىپ، باقتارىن سىنادى.
چەمپيونات 70 كەلىگە، 90 كەلىگە دەيىن جانە 90 كەلىدەن جوعارى سالماق دارەجەلەرى بويىنشا ساراپقا سالىنىپ، جۇلدە العان بالۋاندار ءابسوليۋتتى چەمپيونى اتاعىنا تالاستى.
بۇل - سالت اتتىلاردىڭ ءبىرىن- ءبىرى ەر ۇستىنەن اۋدارىپ الۋعا تىرىساتىن قازاقتىڭ ەجەلگى ۇلتتىق سپورت ءتۇرىنىڭ ءبىرى. ات ۇستىندە كۇرەسە ءبىلۋ ءۇشىن سپورتشىدان اتتى جاقسى مەڭگەرۋىمەن قوسا، ۇلكەن كۇشتىلىك، ەپتىلىك، توزىمدىلىك پەن باتىلدىلىق تالاپ ەتىلەدى.
ايتا كەتەيىك، ويىن كورسەتىلىمىن 16-17 - ماۋسىمدا «KAZsport» تەلەارناسى ەفيرىنەن 21.00 دە تاماشالاۋعا بولادى.
تۋرنيردى ۇيىمداستىرۋشىلار - ق ر ۇلتتىق سپورت تۇرلەرى قاۋىمداستىعى مەن ق ر سپورت جانە دەنە شىنىقتىرۋ ىستەرى اگەنتتىگى. باس دەمەۋشى «سامۇرىق- قازىنا» ۇلتتىق ءال- اۋقات قورى، ال قولداۋشىلار: «نۇر وتان» پارتياسى جانە «EXPO-2017» حالىقارالىق كورمەسى.
