00:09, 16 - ماۋسىم 2014 | GMT +5
قاتەلەسىپ ءۇش قىلمىسكەردى بوستاندىققا جىبەرگەن
استانا. قازاقپارات - امەريكانىڭ داللاس قالاسىندا ءۇش قىلمىسكەر قاتەلىكتىڭ سالدارىنان تۇرمەدەن بوستاندىققا جىبەرىلدى.
جەرگىلىكتى ب ا ق حابارلاعانداي، ولار 13- ماۋسىم كۇنى جاڭا ەلەكتروندى مالىمەتتەر بازاسىنداعى تۇسىنبەستىككە بايلانىستى بوستاندىققا شىققان.
قىلمىسكەرلەر دەتەكتيۆتەردىڭ ولار قاماۋعا الىنعاننان كەيىنگى ءۇش كۇندىك مەرزىمگە سالىنعان ايىپتاردى تاعۋ ءۇشىن قاجەتتى قۇجاتتاردى بەرمەۋىنەن بوساتىلدى. پوليسياداعىلار اتاپ وتكەندەي، بۇل جاعدايدا بەلگىسىز ءبىر سەبەپپەن بوستاندىققا شىققان حوسە موركەچو، دجەيمس لەنگلي مەن ۋيللي دجەمس براۋن جايلى ءتيىستى مالىمەتتەر بازاعا تۇسپەگەن جانە دەتەكتيۆتەر ولاردى كورمەگەن.
