نۇر وتان پارتياسىنىڭ قوعامدىق قابىلداۋى حالىقتىڭ سەنىمىنە يە

ولاردىڭ ىشىندە 39 مىڭ ازاماتتىڭ ءوتىنىشى قابىلداندى.
بۇل تۋرالى بۇگىن «نۇر وتان» پارتياسى ورتالىق اپپاراتىندا پارتيالىق باقىلاۋ كوميتەتىنىڭ وتىرىسىندا ايتىلدى.
جىلدان جىلعا قوعامدىق قابىلداۋ بولمەلەرىنىڭ جۇمىسى جەتىلدىرىلىپ كەلەدى. بۇگىندە وڭىرلەر بويىنشا پارتيانىڭ 241 قوعامدىق قابىلداۋ بولمەلەرى جۇمىس ىستەيدى. پارتيا ءتوراعاسىنىڭ ءبىرىنشى ورىنباسارى باۋىرجان بايبەكتىڭ ايتۋىنشا، قوعامدىق قابىلداۋ بولمەلەرىنىڭ جاڭا جۇمىس ءادىسى ءار ايماق، ءار اۋدانداعى الەۋمەتتىك-ەكونوميكالىق جاعداي جونىندە ناقتى ستاتيستيكا قالىپتاستىرۋعا، مەملەكەتتىك باعدارلامالاردىڭ ورىندالۋ بارىسىن باقىلاۋعا مۇمكىندىك بەرەدى.
جىل باسىنان بەرى قابىلدانعان 39 مىڭ ءوتىنىشتىڭ 75 پايىزى شەشىمىن تاۋىپ، قالعان 25 پايىزى قارالۋ ۇستىندە. سونداي-اق، وتىرىس بارىسىندا «كەدەرگىسىز كەلەشەك» جوباسى اياسىنداعى ماقساتتار دا پىسىقتالدى.
جىل سوڭىنا دەيىن مۇمكىندىگى شەكتەۋلى 6 مىڭ ادامدى جۇمىسقا ورنالاستىرۋ كوزدەلىپ وتىر. بۇدان بولەك پارتيا مەملەكەتتىك ورگان جۇمىسىنىڭ رەيتينگىن عالامتورعا جاريالاۋدى دا ماقسات ەتكەن.
باۋىرجان بايبەك، «نۇر وتان» پارتياسى ءتوراعاسىنىڭ ءبىرىنشى ورىنباسارى:
- ءبارىمىز دە، ەڭ باستىسى، «نۇر وتان» پارتياسىنىڭ مۇشەلەرى حالىقتىڭ ماسەلەسىن شەشىپ، كەرى بايلانىستى ورناتىپ، سول ارقىلى بيلەۋشى پارتيا جالپى ماسەلەنى ءبىلىپ، ونى بيلىككە جەتكىزۋى كەرەك. ءبىز ەڭ دامىعان 30 مەملەكەتتىڭ اراسىنا كىرەمىز دەسەك، وندا ءارقاشاندا حالىقتىڭ سەنىمىندە بولۋىمىز قاجەت.
24.kz