يران يراكتاعى جانجالعا ارالاستى

استانا. قازاقپارات - يران كورشىلەس يراكتاعى جاعدايدى ءجىتى باقىلاپ وتىر. مۇندا «يراك پەن ليەۆانت يسلام مەملەكەتى» اتتى راديكالدى ۇيىمنىڭ جاساقتارى موسۋل مەن تيكريت قالالارىن باسىپ الىپ، باعداتقا قاراي جىلجىپ كەلەدى.

 يران ۇكىمەتىنىڭ وكىلدەرى، سونىڭ ىشىندە پرەزيدەنت حاسسان روۋحاني «يراك پەن ليەۆانت يسلام مەملەكەتى» ۇيىمىنىڭ جاساقتارىمەن كۇرەستە يراكتىڭ ۇكىمەت اسكەرىنە كومەكتەسۋگە ءازىر ەكەنىن ايتقان.

 ال باتىس اقپارات قۇرالدارىنىڭ جازۋىنا قاراعاندا، يراننىڭ اسا ىقپالدى مەكەمەسى - يسلام ريەۆوليۋتسياسى ساقشىلارىنىڭ كورپۋسى يراكقا اسكەر كىرگىزىپ ۇلگەرگەن.

روۋحاني تەگەراننىڭ كورشى ەلدە بولىپ جاتقان قانتوگىسكە جاي قاراپ وتىرا المايتىنى ايتتى. ءبىراق ول يراكقا قاشان جانە قالاي كومەك كورسەتەتىنىن اشىق ايتقان جوق. يران پوليتسياسىنىڭ باسشىسى ەسمايل احمادي موگادامنىڭ ايتۋىنشا، يران شييتتەردىڭ قاسيەتتى ورىندارى مەن قالالارىن قورعاۋ ماقساتىندا سوعىسقا ارالاسۋى مۇمكىن.

يران اسكەرىنىڭ يراك جەرىنە كىرۋى تۋرالى اقپاراتقا رەسمي تەگەران ەشقانداي جاۋاپ قاتقان جوق.

12- ماۋسىمدا يراننىڭ جوعارى ۇلتتىق كەڭەسى يراكتاعى احۋالدى تالقىلاۋ ءۇشىن ارنايى كەزدەسۋ وتكىزدى. Reuters اگەنتتىگىنىڭ مالىمەتىنە قاراعاندا، اتى- ءجونىن اتاماعان يراننىڭ ءبىر رەسمي وكىلى كورشى ەلدەگى جاعدايدى تۇراقتاندىرۋ ءۇشىن تەگەران ۆاشينگتونمەن دە ىنتىماقتاسۋى مۇمكىن. يران باسشىلىعى وسى ماسەلەنى دە اقىلداسىپ جاتسا كەرەك.

ال جاقىندا كۋم قالاسىنا جينالعان ءدىن وكىلدەرى ەكسترەميستىك جاساقتار شيتتەردىڭ يراكتاعى قاسيەتتى ورىندارىن قيراتىپ تاستاۋى مۇمكىن دەپ دابىل قاقتى.

 كۋم قالاسىندا تۇراتىن يمام اياتوللا نۋري حامەداني: «يراك پەن ليەۆانت يسلام مەملەكەتى» ۇيىمىنىڭ شابۋىلى -  تۇتاس يسلام الەمىنە جاسالعان شابۋىل، كۇللى مۇسىلمان قاۋىمى يسلامدى قورعاۋ ءۇشىن ايانباي كۇرەسۋى كەرەك» دەپ مالىمدەدى.

  گۇلناز ەسفاندياريدىڭ ماقالاسىن اعىلشىن تىلىنەن اۋدارعان - مۇحتار ەكەي.

 «ازاتتىق» سايتى