12:05, 15 - ماۋسىم 2014 | GMT +5
ەكى جاسار ءسابي كولىك استىنا ءتۇسىپ، مەرت بولدى - اقمولا وبلىسى
اقمولا وبلىسى. قازاقپارات - اقمولا وبلىسىندا 43 جاستاعى ازامات «موسكۆيچ» كولىگىمەن ابايسىزدا ەكى جاسار ءبۇلدىرشىندى باسىپ كەتىپ، ول سول جەردە جان ءتاسىلىم ەتتى،
دەپ حابارلادى وبلىستىق ءى ءى د باسپا ءسوز قىزمەتىنەن.
وقيعا ستەپنوگور قالاسىنا قاراستى بەستوبە كەنتىندە ورىن العان. ەرەيمەنتاۋ اۋدانى سىلەتتى اۋىلىنىڭ تۇرعىنى بەستوبە كەنتىندە «موسكۆيچ» كولىگىمەن ارتقا شەگىنبەك بولعان ساتتە ابايسىزدا ەكى جاسار بالانى قاعىپ كەتكەن. كولىك استىنا تۇسكەن ءبۇلدىرشىن سول جەردە كوز جۇمدى. كەيىن بەلگىلى بولعانداي، ول اناسىمەن استانا قالاسىنان وسىندا قوناققا كەلگەن ەكەن.
قازىر اتالعان وقيعاعا بايلانىستى تەرگەۋ جۇمىستارى جۇرگىزىلىپ جاتىر.
اۆتور: اسلان وسپانوۆ
