اشەكەي ارقىلى ايەل ادامنىڭ مىنەزىن تانۋعا كەڭەس

استانا. قازاقپارات - كيىم مەن دەنەگە ارنالعان بوياۋلار سياقتى اشەكەيلەر دە يەسى جايلى كوپ ماعلۇمات بەرە الادى.
None
None

اعاشتان جاسالعان اشەكەيلەردى كوبىنە بىلىمگە قۇمار، ونەرلى، قىزىعۋشىلىعى مول قىزدار تاڭدايدى.

مۇنداي ارۋدى باعىندىرعىسى كەلەتىن جىگىت وتىرىك الداعىسى كەلسە، وتە اباي بولعانى ءجون. بار قۇپيا اشىلعان كەزدە مۇنداي قىزدار ەشتەڭەگە قاراماي كەتىپ قالادى. كوپ جاعدايدا تىلسىم كۇشتەردىڭ كومەگىنە مۇقتاج بولىپ جۇرەدى.

ادەتتە، ولار دوستارى مەن جولداستارىنىڭ قينالىس، مۇقتاجدىعىنان حاباردار. ويتكەنى، دوستارى باستارىنا ءىس تۇسكەندە سونداي جاننىڭ قولداۋىن قالاپ، ءوز پروبلەماسىن اشىق ايتقاندى ۇناتادى. ولار تىڭداپ، بىرەۋدىڭ قايعىلارىنا ورتاقتاسا الادى.

كيىزدەن جاسالعان سىرعا، مونشاق پەن بىلەزىكتەردى جايلىلىق پەن ىڭعايلىلىقتى جاقسى كورەتىن ارۋلار تاعادى. مۇنداي اشەكەي يەلەرى وتە ەموتسيونالدى بولىپ كەلەدى. سەزىم مەن ىشكى تۇيسىگىنە باعىنىپ شەشىم قابىلداۋعا قۇمار. جاندارى نازىك، سەزىمتال، ولار قۇشاقتاعاندى، قول ۇستاسقاندى جاقسى كورەدى.

پلاستماسسالىق اشەكەيلەردى ۇقىپتى، ۇنەمشىل جانە ومىرگە شىنايى كوزقاراسپەن قارايتىن قىزدار جاقسى كورەدى. ولاردىڭ ءوز پىكىرى بار جانە كەرەك كەزدە ءوز سوزىندە تۇرا الادى. بىرەۋدىڭ قىسىم جاساعانىن ۇناتپايدى. جاڭا تانىسۋلارعا ءاردايىم اشىق جانە عاشىقتىق پەن ماحابباتتى ءجيى شاتاستىرادى.

مەتالدان جاسالعان، كولەمى وتە ۇلكەن ەمەس اشەكەيلەردى ءوزىن قورعانسىز سەزىنەتىن قىزدار تاڭدايدى. ولار سىرتقى ادەمىلىگى ءۇشىن ەمەس، جان سۇلۋلىعىن باعالاپ ءسۇيۋ كەرەك دەگەن ويدا جۇرەدى. ولاردى جاۋلاپ الۋ ءۇشىن گۇل، كونفەت، قىمبات سىيلىقتار سياقتى ادەمى بۇيىمدار ەمەس، شىنايى سەزىم كەرەك.

بولاتتاي بەرىك اشەكەيلەردى الدىنا ماقسات قويىپ، وعان جەتۋدى عانا كوزدەيتىن قىزدار تاڭدايدى. ولار باسقالاردىڭ پىكىرىن ەسكەرمەيدى.

بيسەردەن جاسالعان اشەكەيلەردى جايناقى مىنەزدى، اسەرشىل، باسقا بىرەۋدىڭ ىقپالىنا وڭاي باعىنا كەتەتىن قىزدار تاعادى.

اۆتورلىق قولونەر اشەكەيلەرىن ءوزىن ەرەكشە سانايتىن، تاۋەلسىزدىگىن كورسەتكىسى كەلەتىن ارۋلار تاعادى. مۇنداي ارۋلار قىز بالاعا جات، جامان ادەتتەن اۋلاق بولۋدى قالايدى، كوپ ادام جينالاتىن قوعامدىق جيىنداردان قاشقاقتايدى. مىنەزدەرىندە ەگويستىك باسىم جانە وزگەلەرگە جوعارىدان قاراۋى دا مۇمكىن. وزگەلەردەن ەرەكشە، ءبىراق ءساندى كيىنۋگە قۇمار جانە ەكىنشى جارتىسىن تاڭداعاندا دا تالعامپاز كەلەدى.

ۆينتاجدى اشەكەيلەرگە («تاريحي» بۇيىمدار) بالالىق شاعىن قاتتى ساعىناتىن قىزدار قۇمارتادى. ولار - تىم اسەرشىل، رومانتيكاعا جانى جاقىن جاندار. ولاردان ارداقتى انا جانە ادال جار شىعادى. سالت-داستۇرلەردى ءجىتى ۇستانادى، وتباسىنىڭ بەرەكەسىنە كوپ ءمان بەرەدى. جيىنداردا وتباسىلىق سالت بويىنشا تاعامدار ازىرلەپ، داستارحان جاساعاندى جاقسى كورەدى.

كلاسسيكالىق اشەكەيلەردى جۇمىسباستى، وزىنە قاراۋعا شاماسى جوق قاراپايىم قىزدار تاڭدايدى. كەز-كەلگەن كيىممەن جاراسىپ تۇراتىن اشەكەيدى (امبەباپ) ۇنەمى تاعىپ جۇرە بەرگەندى قالايدى. ولار - قالىپتاسقان ەرەجەگە بايلانىستى ارەكەت ەتەتىن ارۋلار. كەيدە ءبىر قاراعاندا قاراپايىم اشەكەي سياقتى كورىنەتىن قىمبات اشەكەيدى ءوزىنىڭ الەۋمەتتىك دارەجەسىن كورسەتۋ ءۇشىن تاعۋى مۇمكىن. مۇنداي ارۋلار ءوزىنىڭ باعاسىن بىلەدى جانە ونىڭ باعاسى جايلى جاريا ەتۋدى قالامايدى.

اشەكەيسىز ارۋ. اشەكەي - ايەل ادامنىڭ وزىنە دەگەن نازارى مەن ءوزىن-ءوزى باعالاۋىنىڭ ايعاعى. ءوزىن جاقسى كورەتىن ايەل ءومىردى دە، باسقانى دا جاقسى كورە الادى. اشەكەيسىز ءجۇرۋ «ءتورت قۇبىلاسى تۇگەل بولماي» جۇرگەن جانعا ءتان بولىپ ەسەپتەلەدى.

kyzdaralemi.kz

سوڭعى جاڭالىقتار