فۋتبول: گەرمانيا پورتۋگالدىقتاردى ءىرى ەسەپپەن ويسىراتىپ ۇتتى - ۆيدەو

استانا. قازاقپارات - بۇگىن گەرمانيا قۇراماسى برازيليادا ءوتىپ جاتقان فۋتبولدان الەم چەمپيوناتىندا پورتۋگاليا كومانداسىن 4:0 ەسەبىمەن ۇتىپ كەتتى.
None
None

ءبىرىنشى تايمنىڭ 12- مينۋتىندا پورتۋگاليا ويىنشىسى پەرەيرا گەتتسەنى ءوزىنىڭ ايىپ الاڭىندا شالىپ جىققان بولاتىن. ايىپ دوبىن توماس ميۋللەر ءمىنسىز ورىنداپ، ەسەپ اشتى. جيىرما مينۋتتان كەين حۋممەلس ەسەپتى ەسەلەي ءتۇستى. ال ويىننىڭ 46- مينۋتىندا ميۋللەر دۋبل اۆتورى اتانىپ، ەسەپتى 3:0-گە جەتكىزدى.

ەكىنشى تايمدا پورتۋگالدار نەمىستەرگە قارسى ەشقانداي ءادىس قولدانا الماي، جىگەرلەرى قۇم بولدى. 78- مينۋتتا توماس ميۋللەردىڭ تاعى ءبىر گولىنان كەيىن، كريشتيانو رونالدۋ باستاعان كوماندانىڭ ءۇمىتى ءسوندى جانە نەمىستەرگە قارسى ەشتەڭە كورسەتە المادى. ال توماس ميۋللەر برازيلياداعى الەم چەمپيوناتىندا حەت- تريك جاساعان العاشقى شابۋىلشى اتانىپ وتىر.

سوڭعى جاڭالىقتار