13:43, 14 - ماۋسىم 2014 | GMT +5
قازاقستان-قىتاي شەكاراسىندا تىڭشىلىق جاساۋعا ارنالعان قالام الىپ وتپەك بولعان ازامات ۇستالدى
الماتى. قازاقپارات - «قورعاس» شەكارالىق باقىلاۋ جاساعىنىڭ شەكاراشىلارى قازاق- قىتاي شەكاراسىنان تىيىم سالىنعان زاتتاردى الىپ وتپەك بولعان 40 جاستاعى قازاقستان ازاماتىن ۇستادى.
بۇل تۋرالى ۇ ق ك شەكارا قىزمەتىنىڭ باسپا ءسوز قىزمەتىنەن حابارلادى.
ءتىنتۋ بارىسىندا ازاماتتىڭ قول جۇگىنەن بەينەكامەراسى جانە USB كابەلدەرى بار ءۇش قالامساپ تابىلعان. ودان باسقا، وسى باقىلاۋ بەكەتىندە تەكسەرۋ شاراسى بارىسىندا 52 جاستاعى قازاقستان ازاماتشاسىنان قىتاي حالىق رەسپۋبليكاسىنىڭ 5 ءتولقۇجاتى تابىلدى.
قازىر اتالعان دەرەكتەر بويىنشا انىقتاۋ جۇمىستارى جۇرگىزىلۋدە.
اۆتور: جاپپاربەرگەن ايبوتا
