وسكەمەندە ەگەۋقۇيرىق قاپتاپ كەتتى

استانا. قازاقپارات - شاحارداعى ۇلكەن داڭعىلدىڭ بىرىندە ورنالاسقان كوپىردىڭ استى كەمىرگىشتەردىڭ ۇياسىنا اينالعان.

ۇلكەندىگى كىشىگىرىم قويانداي بولاتىن ەگەۋقۇيرىقتار ەندى ماڭايداعى ارلى-بەرلى وتكەندەردى ۇركىتە باستاعان.

ال جەرگىلىكتى بيلىك كەمىرگىشتەردى جويۋعا اسىقپاي وتىر.

مىناۋ قالانىڭ قاق ورتاسىنداعى كوپىر. استىندا ەگەۋقۇيرىقتار ءورىپ ءجۇر.

ۇلكەندىگى كىشىگىرىم قويانداي بولاتىن كەمىرگىشتەر ەندى وتكەن-كەتكەننىڭ جۇرەگىن ۇشىراتىن بولعان.

ولگا ستەپانوۆا، وسكەمەن قالاسىنىڭ تۇرعىنى:

- كورگەن كەزدە شوشىپ كەتتىم. مەن بۇل جەردە ءيتىمدى قىدىرتاتىنمىن. ەندى قالاي جۇرەمىز؟! شابۋىلداپ، ءيتىمنىڭ ءبىر جەرىن جاراقاتتاسا شە؟ ەگەۋقۇرىقتاردىڭ ءتۇرلى اۋرۋلاردى تاراتاتىنىن جاقسى بىلەمىز عوي.

تورەجان، وسكەمەن قالاسىنىڭ تۇرعىنى:

- وينادىق بالالارمەن مىنا جەردە، سوسىن كوپ ەگەرقۇيرىق كوردىك، مىندا ءجۇردى ولار. سوسىن ءبىز قاشىپ كەتتىك مىنا جاقتان.

كومەندانت وزەنى دەگەن اتاۋى عانا بولماسا، بىرنەشە جىل بۇرىن مۇنىڭ ارناسى تارتىلىپ قالعان. بىلتىر جەرگىلىكتى بيلىك بۇعان دەيىن جاعاسىن قامىس باسىپ، مي باتپاق بولىپ جاتقان توعاننىڭ ماڭايىن ساياباققا اينالدىردى. س ە س-تەگىلەر وتكەن جىلى ەگەۋقۇيرىقتار جوق بولاتىن دەپ وتىر. ولارمەن كۇرەستى باستاۋ ءۇشىن الدىمەن بىرنەشەۋىن ۇستاپ، زەرتحاناعا جىبەرۋ قاجەت ەكەن.

يۋري ماكەيەۆ، وسكەمەن قالالىق تۇتىنۋشىلار قۇقىعىن قورعاۋ ءبولىمىنىڭ باسشىسى:

- بۇگىن، ەرتەڭ ءبىزدىڭ زوولوگ بارىپ قاقپان قۇرادى. سوسىن زەرتحانانىڭ ناتيجەسىن كۇتەمىز. ەگەر كەمىرگىشتەردەن كەسەل تابىلسا جاپپاي زالالسىزداندىرۋدى باستايمىز. تەكسەرۋدىڭ قورىتىندىسى قولىمىزعا تيمەي قيمىلداي المايمىز.

ايتا كەتۋ كەرەك، كوپىرگە جاقىن ماڭداعى كوپقاباتتى ۇيلەردىڭ تۇرعىندارى قازىر قوقىس جاشىكتەرىنە جولاۋدان قالعان. تۇقىم تاراتۋدا تاراقانداردى جولدا قالدىراتىن ەگەۋقۇيرىقتار ەندى قوقىس جاشىكتەرىنە دە اۋىز سالا باستادى.

«KTK» تەلەارناسى