پاريجدە ەيفەل مۇناراسى جابىلىپ قالدى

استانا. قازاقپارات - پاريجدە تۋريستەر ءۇشىن قالانىڭ باستى كورىكتى جەرى سانالاتىن ەيفەل مۇناراسى جابىلىپ قالدى.

بۇعان سەبەپ قاۋىپسىزدىك قىزمەتى قىزمەتكەرلەرىنىڭ جالاقىنى كوتەرۋدى تالاپ ەتكەن ەرەۋىلى، دەپ حابارلادى BBC.

مۇنارادا قىزمەت كورسەتۋمەن اينالىساتىن كومپانيا وكىلدەرى ءوتىپ جاتقان اكسيا تۋرالى الدىن-الا حاباردار بولماعاندارىن ءمالىم ەتتى، قازىردە كاسىپوداق وكىلدەرىمەن كەلىسسوز جۇرگىزىلىپ جاتىر.

فرانسيادا سونداي-اق ءۇشىنشى كۇن قاتارىنان تەمىرجول قىزمەتكەرلەرىنىڭ ەرەۋىلى دە جالعاسۋدا، پويىزداردىڭ تەڭ جارتىسىنا جۋىعى جولعا شىقپاعان.

تەمىرجولشىلار SNCF فرانسۋزدىق ۇلتتىق كومپانياسى مەن Réseau Ferré de France جەلىسىنىڭ قوسىلۋىنا قارسى ەرەۋلىگە شىعۋدا. سەبەبى، بۇل بىرىگۋ جۇزەگە اسقان جاعدايدا ولار مەملەكەتتىك قىزمەتشى رەتىندە وزدەرىنە تيەسىلى جەڭىلدىكتەر مەن زەينەتاقىدان ايىرىلىپ قالماق.