01:04, 14 - ماۋسىم 2014 | GMT +5
حورۆاتيا قۇراماسىنا قارسى تاعايىندالعان ايىپ دوپتى قايتا قاراپ كورەمىز - ف ي ف ا تورەشىلەر دەپارتامەنتىنىڭ باسشىسى
استانا. قازاقپارات - ف ي ف ا باسشىلىعى برازيليادا ءوتىپ جاتقان فۋتبولدان الەم بىرىنشىلىگىنىڭ العاشقى ويىنىنداعى حورۆاتيا قۇراماسىنا قارسى ايىپ دوپ تاعايىندالعان ءساتتى تاعى قاراپ كورمەك.
بۇل تۋرالى ف ي ف ا-نىڭ تورەشىلەر دەپارتامەنتى باسشىسى ماسسيمو بۋزاككاعا سىلتەمەمەن يتار-تاس حابارلايدى.
برازيليا مەن حورۆاتيا اراسىنداعى كەزدەسۋ ماۋسىمنىڭ 12-نەن 13-نە قاراعان ءتۇنى ءوتتى. الاڭ يەلەرى جاپوندىق تورەشى يۋيتي نيسيمۋرا دەيان لوۆرەننىڭ فولى ءۇشىن تاعايىنداعان ايىپ دوپتان مۇلت كەتپەي، ويىننىڭ ەكىنشى گولىن سالعان بولاتىن. گول اۆتورى - نەيمار.
«بۇل ەپيزودتى تورەشىلەر قاراپ كورەدى. ازىرشە الداعى ۋاقىتتا نيسيمۋرانىڭ الەم چەمپيوناتىنىڭ ماتچتارىندا تورەشىلىك ەتەتىنى نەمەسە ەتپەيتىنى جايلى ەشتەڭە ايتا المايمىز. جاقىندا بۇل ەپيزودتى تورەشىلەر كەڭەسىندە قايتا قاراپ كورىپ، ءادىل شەشىم شىعاراتىن بولامىز»، - دەدى بۋزاككا.
