قازاقستان پرەزيدەنتى فۋتبولدان الەم چەمپيوناتىندا برازيليا ەلىنە جەڭىس تىلەدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ فۋتبولدان الەم چەمپيوناتىندا برازيليا ەلىنە جەڭىسكە جەتۋگە ءوز تىلەكتەسىگىن ءبىلدىردى. مەملەكەت باسشىسىنىڭ تىلەگىن قازاقستان رەسپۋبليكاسىنىڭ مەملەكەتتىك حاتشىسى ادىلبەك جاقسىبەكوۆ جەتكىزدى،

دەپ حابارلايدى ق ر س ءى م باسپا ءسوز قىزمەتىنەن.

قازاقستان رەسپۋبليكاسىنىڭ مەملەكەتتىك حاتشىسى، قازاقستان فۋتبول فەدەراتسياسىنىڭ پرەزيدەنتى ادىلبەك جاقسىبەكوۆ برازيليادا حالىقارالىق فۋتبول فەدەراتسياسى (FIFA) كونگرەسىنىڭ 64 - وتىرىسىنا قاتىسىپ، جۇمىس ساپارى شەڭبەرىندە «ەڭبەكشىلەر پارتياسىنىڭ» ليدەرى، لاتىن امەريكاسىنىڭ ەڭ بەدەلدى جانە تاجىريبەلى ساياساتكەرى، برازيليا فەدەراتيۆتىك رەسپۋبليكاسىنىڭ ەكس- پرەزيدەنتى لۋلا دا سيلۆامەن كەزدەستى.

«جىلى جانە دوستىق جاعدايدا وتكەن كەزدەسۋدە ق ر مەملەكەتتىك حاتشىسى ءا. جاقسىبەكوۆ لۋلا دا سيلۆاعا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ اتىنان وعان مىقتى دەنساۋلىق پەن قاجىماس قايرات، اعىمداعى جىلدىڭ قازان ايىندا ءوتۋى جوسپارلانىپ وتىرعان پرەزيدەنتىك جانە پارلامەنتتىك سايلاۋدا بيلىكتەگى «ەڭبەكشىلەر پارتياسىنا» تابىستار تىلەدى، سونداي- اق الداعى فۋتبولدان الەم بىرىنشىلىگىندە برازيليانىڭ ۇلتتىق كومانداسىنىڭ چەمپيوندىق اتاققا يە بولۋىنا ءوز تىلەكتەستىگىن ءبىلدىردى» ، دەلىنگەن ق ر س ءى م حابارلاماسىندا.

ل. سيلۆا ءوز كەزەگىندە ق ر پرەزيدەنتىن ءوزىنىڭ جاقسى دوسى، ورتالىق ازيا ايماعىندا عانا ەمەس، سونداي- اق جالپى ەۋرازيا قۇرلىعىنداعى مەملەكەتتەر ىشىندەگى بەدەلدى مەملەكەت باسشىسى رەتىندە اسا قۇرمەتتەيتىنىن ءبىلدىردى.

سونداي- اق ول سوڭعى جىلدارى ەكونوميكاسى قارقىندى دامۋ ۇستىندەگى قازاقستانعا ساپارمەن بارۋعا دايىن ەكەنىن مالىمدەپ، ەلباسىنا ەڭ ىستىق تىلەگىن، ال قازاقستان حالقىنا گۇلدەنۋ مەن وركەندەۋدى تىلەيتىنىن جەتكىزدى.