قازاقستاننىڭ تابيعاتى اسەم ەكى اۋماعى الەمدىك بيوسفەرالىق رەزەرۆاتتار جۇيەسىنە ەنگىزىلدى - فوتو
ولار - «قاتون- قاراعاي» مەملەكەتتىك ۇلتتىق تابيعي پاركى مەن «اقجايىق» بيوسفەرالىق اۋماعى.
بۇل ەرەكشە قورعالاتىن تابيعي اۋماقتار يۋنەسكو بۇكىل الەمدىك بيوسفەرالىق رەزەرۆاتتار جۇيەسىنە ەنگىزىلگەن، دەپ حابارلايدى ق ر سىرتقى ىستەر مينيستىرلىگىنەن.
يۋنەسكو- نىڭ حالىقارالىق ساراپشىلارى قازاقستان ۇكىمەتىنىڭ، م ا ب ۇلتتىق كوميتەتىنىڭ جانە ق ر يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ اتالعان نوميناتسيالاردى پىسىقتاۋداعى كۇش- جىگەرىن وتە جوعارى باعالادى.
وسىلايشا، قازىرگى تاڭدا قازاقستاندا 4 يۋنەسكو بيوسفەرالىق رەزەرۆاتى جۇزەگە اسىرىلۋدا. قورعالجىن جانە الاكول نوميناتسيالارى 2012-2013 - جىلدارى يۋنەسكو بيوسفەرالىق رەزەرۆاتتارى مارتەبەسىن يەلەنگەن بولاتىن.
ايتا كەتەيىك، بۇكىل الەمدىك بيوسفەرالىق رەزەرۆاتتار جۇيەسىنە ەنۋ تاماشا تابيعاتتىڭ ساقتالۋىنا، سونداي- اق قازاقستاننىڭ ەكونوميكاسى مەن تۋريستىك الەۋەتىن دامىتۋعا ىقپال جاسايدى.
«قاتون- قاراعاي» مەملەكەتتىك ۇلتتىق تابيعي پاركى 
«اقجايىق» بيوسفەرالىق اۋماعى
