15:26, 15 - ماۋسىم 2014 | GMT +5
پەتر پوروشەنكو ۋكراينا شەكاراسىن شۇعىل باقىلاۋعا الۋ قاجەتتىگىن مالىمدەدى
استانا. قازاقپارات - پەتر پوروشەنكونىڭ رەسمي ينتەرنەت وكىلدىگىندە ونىڭ قارۋلى كۇشتەردىڭ الدىنا قويعان ۋكراينانىڭ مەملەكەتتىك شەكاراسىن باقىلاۋعا الۋ جونىندەگى مالىمدەمەسى جاريالاندى.
«مەن ۋكراينا قارۋلى كۇشتەرىنىڭ الدىنا العاشقى كەزەكتەگى تاپسىرما - تەرروريستەر قارۋ، تەحنيكا، قوسىمشا كۇشتەر، قارجى وتكىزىپ جاتقان ۋكراينانىڭ مەملەكەتتىك شەكاراسىن باقىلاۋعا الۋدى تاپسىردىم.
تەك سوڭعى ءتورت كۇننىڭ ىشىندە ارنايى وپەراتسيا شەڭبەرىندە ماريۋپولدە تىنىشتىق ورناپ، زاڭدى ءتارتىپ جولعا قويىلدى. مەملەكەتتىك شەكارانىڭ 248 شاقىرىمى باقىلاۋعا الىندى.
لۋگانسك جانە دونەتسك وبلىستارى اۋماعىنداعى ءبىراتار ەلدى مەكەندەردە جالدامالى- سودىرلاردىڭ ءىس- قيمىلى توقتاتىلدى. 11 ەلدى مەكەن لاڭكەستەردەن تازارتىلدى. سوڭعى تاۋلىكتەردە ءبىزدىڭ ەل تەرريتورياسىنا كىرۋگە ارەكەت جاساعان قارۋ- جاراق، وق- ءدارى تيەلگەن 7 اۆتوموبيل كولونناسى، بىرنەشە تانك پەن برونەترانسپورتەرلەر جانە وزگە دە اتىس قۇرالدارى جويىلدى» ، - دەلىنگەن مالىمدەمەدە.
