قالا كۇنىنە وراي ەلوردادا « ساحنادان سالەم!» حالىقارالىق تەاتر فەستيۆالى ءوز شىمىلدىعىن اشادى
باس قالاعا بارلىعى 9 تەاتر ترۋپپاسى كەلەدى. بۇل تۋرالى استانا قالاسىنىڭ 16 جىلدىعىنا ارنالعان مەرەكەلىك شارالاردى
دايىنداۋ جانە وتكىزۋ جونىندەگى ۇيىمداستىرۋ كوميتەتىنىڭ مەديا- شتابىنان حابارلادى.
ولاردىڭ ىشىندەگى ەڭ ايتۋلىسى - تۇركيا مەملەكەتتىك تەاترىنىڭ «مەراكي» ، قازاق تىلىنە اۋدارعاندا «ۇرەيلەنۋ» ماعىناسىن بەرەتىن قويىلىم. بۇل ءومىرى ۇرەيلەنىپ ءجۇرىپ، اقىرى ءتۇرلى كۇلكىلى وقيعالارعا تاپ بولاتىن ادام جايلى اسەرلى ءارى جايدارلى كومەديا. كەيىپكەر اينالاداعى بار نارسەگە الاڭدايدى، ارنەنى بىلگىسى كەلەدى. سوڭىندا، بويىن بيلەگەن ءولىم مەن اۋرۋدان قورقۋ سەزىمى ونى تىعىرىققا تىرەيدى.
سونداي- اق، ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق- دراما تەاترى ساحناسىندا: ج. ايماۋىتوۆ اتىنداعى قازاق مۋزىكالىق- دراما تەاترى (پاۆلودار) «اپكەنىڭ الەگى قويىلىمىمەن؛ ماڭعىستاۋ قۋىرشاق تەاترى (اقتاۋ) «سدوبنايا ليزا - ناستوياشايا كوشكا» قويىلىمىمەن؛ ا. يمانبايەۆا اتىنداعى تەاترلاندىرىلعان- مۋزىكالىق ورتالىعى (الماتى) «مەدەيا» (كومەديا) قويىلىمىمەن؛
«جاستار» (وقۋشىلار سارايى) تەاترى ساحناسىندا: تۇركيا مەملەكەتتىك تەاترى «Meraki» (كومەديا) قويىلىمىمەن؛ گ. مۇسىرەپوۆ اتىنداعى بالالار مەن جاسوسپىرىمدەر تەاترى (الماتى) «كۇشىك كۇيەۋ» (كومەديا) قويىلىمىمەن.
حالىقارالىق تەاتر فەستيۆالى اياسىندا استاناعا بارلىعى 204 قاتىسۋشى كەلەدى. فەستيۆال قوناقتارى رەتىندە تومەندەگى رەسەي جانە قازاقستاننىڭ تانىمال تەاتر سىنشىلارى شاقىرىلدى:
- اشىربەك سىعاي - تەاتر سىنشىسى، ق ر ەڭبەك سىڭىرگەن قايراتكەرى، ۆەربيتسكايا گالينا ياكوۆليەۆنا - ونەر ينستيتۋتىنىڭ پروفەسسورى، تەاترى سىنشىسى (ۋفا) ، امانكەلدى مۇقان - تەاتر سىنشىسى (الماتى) .
قالا كۇنى مەرەكەسى قارساڭىندا استانا تەاترلارى ءبىرقاتار قويىلىمدارىنىڭ تۇساۋىن كەسەدى.
ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق- دراما تەاترى تەاتر فەستيۆالى اياسىندا «ءتىل تابىسقاندار» كومەدياسىن ساحنالايدى. كومەديا اۆتورى وزبەك دراماتۋرگى مار بايجييەۆ، قويىلىم رەجيسسەرى بولات ۇزاقوۆ.
م. گوركيي اتىنداعى مەملەكەتتىك اكادەميالىق ورىس دراما تەاترى يزرايلدىق لەون اگۋليانسكييدىڭ «تورعايدىڭ ۇياسى» تراگەدياسىنىڭ تۇساۋىن كەسەدى. قويۋشى رەجيسسەرى - ق ر ەڭبەك سىڭىرگەن ءارتىسى بەكبولات پارمانوۆ.
«جاستار» تەاترى ساحناسىندا «جەر مەن كوكتىڭ اراسى» (اۆتورى مارك ليەۆين، رەجيسسەرى داۋرەن سەرگازين) قويىلىمى كورسەتىلەدى.
استانا قالاسى قۋىرشاق تەاترى «مەرەكە» قويىلىمىن ساحنالايدى.
اۆتورى ك. ەجەمبەكوۆ، رەجيسسەرى ك. ەشمۇراتوۆا.
