11:11, 13 - ماۋسىم 2014 | GMT +5
مالايزيا جوعالعان ۇشاق جولاۋشىلارىنىڭ وتباسىلارىنا وتەماقى تولەي باستادى
استانا. قازاقپارات - مالايزيانىڭ Malaysia Airlines ۇلتتىق اۋە كومپانياسىنىڭ ساقتاندىرۋشىسى ءۇش اي بۇرىن جوعالعان Boeing 777 جولاۋشىلارىنىڭ وتباسىلارىنا اپات تۋرالى اقپاراتتىڭ ءالى تولىق انىقتالماعانىنا قاراماستان الدىن- الا وتەماقى تولەي باستادى، دەپ حابارلادى ريا نوۆوستي.
50 مىڭ دوللار كولەمىندەگى وتەماقىعا التى مالايزيالىق جانە ءبىر قىتايلىق وتباسى يە بولدى، دەپ حابارلادى جۇما كۇنى Straits Times سينگاپۋرلىك گازەتى.
جوعالعانداردىڭ وتباسى مۇشەلەرىنە كومەك كورسەتۋ بويىنشا كوميتەتى باسقاراتىن امىرلىكتىڭ سىرتقى ىستەر ءمينيسترى حامزا زاينۋدين مۇنداي تولەمدەر بارلىق جوعالعان 239 جولاۋشى مەن ەكيپاج مۇشەلەرىنىڭ وتباسىلارىنا تولەنەنتىنىن حابارلادى.
ەسكە سالا كەتەيىك، كۋالا- لۋمپۋردەن بەيجىڭگە من370 رەيسىمەن شىققان Boeing 777-200 اۋە لاينەرى 227 جولاۋشىسى جانە بورتىنداعى 12 ەكيپاج مۇشەسىمەن 8 - ناۋرىزعا قاراعان ءتۇنى رادار ەكرانىنان جوعالدى. بولجام بويىنشا، جولاۋشىلاردىڭ ءبارى دە قازا بولدى.
