كوستا- ريكا قۇراماسى ۋرۋگۆايدى سان سوقتىرىپ كەتتى

 فورتالەزا- استانا. قازاقپارات - فۋتبولدان الەم بىرىنشىلىگىنىڭ ءۇشىنشى كۇنىندە كوستا- ريكا كەزدەسۋدىڭ فاۆوريتى اتانعان ۋرۋگۆاي قۇراماسىنان جەڭىستى جۇلىپ اكەتتى.

 ءبىرىنشى تايم تولىعىمەن ۋرۋگۆايدىڭ باسىمدىعىمەن وتكەن بولاتىن. ويىننىڭ 24-مينۋتىندا ەدينسون كاۆاني پەنالتيدەن گول سالىپ ۋرۋگۆاي كومانداسىن العا شىعاردى.

 دەگەنمەن ەكىنشى تايم باستالا سالىسىمەن كوستا- ريكا فۋتبولشىلار 4 مينۋتتىڭ ىشىندە ەكى دوپ سالىپ، ماتچتاعى باسىمدىقتى ءوز قولدارىنا الدى. اتاپ ايتقاندا، كەزدەسۋدىڭ 54-مينۋتىندا دجوەل كامبەلل، 58-مينۋتىندا دۋارتە گول اۆتورلارى اتاندى. ۋرۋگۆاي وقتىن- وقتىن شابۋىل جاساعانىمەن، كوستا- ريكا ۇجىمىنىڭ قورعانىس شەبىن بۇزا المادى. ءوز كەزەگىندە الاڭعا ەندى عانا شىققان ماركوس ۋرەنيا 86-مينۋتتا ەسەپتى ءتىپتى 3:1-گە جەتكىزدى.

وسىلايشا، 2010 -جىلعى الەم چەمپيوناتىنىڭ قولا جۇلدەگەرلەرى - ۋرۋگۆاي قۇراماسى قولدا تۇرعان جەڭىستى برازيلياداعى مۋنديالدىڭ ەڭ جاس كوستا- ريكا كومانداسىنا بەرىپ قويدى.