10:12, 13 - ماۋسىم 2014 | GMT +5
ا ق ش: ازەربايجاندا ادام قۇقىقتارى احۋالى ناشار
استانا. قازاقپارات - ا ق ش مەملەكەتتىك حاتشىسى ورىنباسارىنىڭ كومەكشىسى توماس مەليانىڭ ايتۋىنشا، ازەربايجانداعى ادام قۇقىقتارى احۋالى سوڭعى بەس جىلدا ۇدايى ناشارلاپ كەلەدى.
ا ق ش حەلسينكي كوميسسياسىندا سويلەگەن مەملەكەتتىك دەپارتامەنت وكىلىنىڭ سوزىنشە، 2009 - جىلدىڭ وزىندە ازەربايجاندا دەموكراتيالىق رەفورمالاردى جاقتاۋشىلارعا، اسىرەسە وپپوزيتسيالىق ساياسي پارتيالارعا قىسىم كۇشەيگەن.
توماس مەليا "ءبىراق سونىڭ وزىندە ۇكىمەتتىك ەمەس ۇيىمدار مەن تاۋەلسىز بەلسەندىلەر جۇمىس ىستەي الاتىن. وكىنىشكە وراي، سودان بەرى جاعداي ودان بەتەر ناشارلادى" دەيدى.
مەملەكەتتىك دەپارتامەنتتىڭ ادام قۇقىقتارى جانە ەڭبەك بيۋروسىندا ەۋروپا، ونىڭ ىشىندە رەسەي بويىنشا جۇمىس ىستەيتىن توماس مەليا "ازەربايجانداعى ساياسي تۇلعالاردىڭ ۇستىنەن جۇرگەن سوت پروتسەستەرى مەن ۇكىمەتتىك ەمەس ۇيىمدارعا قارسى زاڭداردىڭ قابىلدانۋىن پرەزيدەنت يلحام اليەۆ بيلىگىنىڭ ازاماتتىق قوعامدى باسىپ-جانىشتاۋىنىڭ كورىنىسى" دەپ باعالادى.
«ازاتتىق» راديوسى
