رونالدينونىڭ «ەگىزى» مەسسيدى الداپ سوقتى - كەسكىن

  استانا. قازاقپارات - برازيلياداعى فۋتبولدان الەم چەمپيوناتى ءتۇرلى وقيعالارمەن ەستە قالاتىن بولدى. سول ءبىر قىزىقتى ساتتەردىڭ ءبىرى ارگەنتينا قۇراماسىنىڭ جاتتىعۋى بارىسىندا ورىن الدى.

 ليونەل مەسسي قۇراما ساپىندا جاتتىعىپ جاتقان كەزدە توپ جانكۇيەر كۇزەتتەن سىتىلىپ ءوتىپ فۋتبول جۇلدىزىنا قاراي جۇگىرە جونەلگەن. كۇزەتتىڭ قارسىلىعىنا قاراماستان، جانكۇيەرلەردىڭ ەڭ تاباندىلارى مەسسيگە جەتتى. سولاردىڭ اراسىنان رونالدينونى كورگەندە ارگەنتينالىق شابۋىلشى ابدىراپ تۇرىپ قالدى.

 «سەن نەگە بىزدىڭ جاتتىعۋعا كەلدىڭ؟ مەنى كورۋ ءۇشىن بە؟ »، - دەدى مەسسي تاڭقالىپ. برازيليالىق ارىپتەسى وعان قول سوزعاندا ول تاڭدانىسىن جاسىرا الماي ونىمەن قول الىسىپ تا ۇلگەرگەن.

 شىن مانىندە ول رونالدينو ەمەس، جاي عانا وعان ۇقسايتىن قاراپايىم برازيليالىق ازامات بولىپ شىقتى. روبينسون وليۆەيرا - اتاقتى فۋتبولشى رونالدينونى جارنامالاردا، فيلمدەردە سومداپ جۇرگەن اكتەر.

«ول ماعان قول سوزعاندا، مەن تىزەرلەپ وتىرىپ قالىپپىن. بۇل سونداي كەرەمەت ءسات»، - دەيدى وليۆەيرا.

قىلجاقباس قاقپادان سەكىرەمىن دەپ قولىن جارالاپ الىپتى، ءبىراق ونىڭ سوزىنە قاراعاندا، بۇل سوعان تۇرارلىق ءىس بولدى.

 

 اۆتور: جاسۇلان جولدىبايەۆ