جالعان اقپارات بايقوڭىر تۇرعىندارىن سەرگەلدەڭگە سالدى

استانا. قازاقپارات - قاڭقۋ ءسوز بايقوڭىر تۇرعىندارىن سەرگەلدەڭگە سالدى.

عارىش كەشەنى ماڭىندا 20  جىلدان بەرى تۇراتىن قازاقستاندىقتارعا جەر تەلىمى ۇلەستىرىلۋدە دەگەندى ەستىگەن جۇزدەگەن بايقوڭىرلىق  قىزىلوردا قالاسىنىڭ اكىمدىگىنە كەلدى.

ءساۋىر ايىنان بەرى كوپتەگەن حالىق قالادان جەر الۋعا ءوتىنىش بىلدىرگەن.

وسىعان وراي رەسمي تۇسىنىكتەمە بەرۋ ءۇشىن جاۋاپتى سالا باسشىلارى جەدەل تۇردە باسپا ءسوز ءماسليحاتىن وتكىزدى. جالعان اقپاراتتى تاراتۋشىلار كىم ەكەنى بەلگىسىز.

بۇل ماسەلە قۇقىق قورعاۋ ورگاندارىنىڭ نازارىنا الىنعان.

كومەك قايبەرگەنوۆ، بايقوڭىر قالاسىنىڭ تۇرعىنى:

- بايقوڭىردا 20  جىل ءومىر سۇرگەن ازاماتتارعا كەزەكتەن تىس  قىزىلوردا وبلىسىنان جەر بەرىپ جاتىر دەلىندى. قۇجاتتارىمىزدى الىپ، كەزەككە قويادى دەپ كەلىپ تۇرمىز.

بالدىرعان مامەن، قالالىق ىشكى ساياسات ءبولىمىنىڭ باسشىسى:

- بايقوڭىرلىق ازاماتتارعا جەر كەزەكسىز بەرىلمەيدى جانە وزگە دە ءبىر كاتەگوريالارعا بولىنبەيدى. كەز-كەلگەن قازاقستاندىق ازامات جەر الۋعا كەلگەن كەزدە قۇقىعى تەڭ. سوندىقتان كەزەگىنە سايكەس بەرىلەدى. ءبىز ازاماتتارمەن كەزدەسۋ بارىسىندا تۇرعىندار اقپارات ەستىدىگەندىگىن ايتتى. مۇمكىن بولسا، ب ا ق قۇرالدارى ارقىلى وسى اقپاراتتى تاراتۋىمىزدى سۇرادى. سول سەبەپتى بۇگىن باسپا ءسوز ماسليحاتىن وتكىزۋدەمىز.

24.kz