09:02, 13 - ماۋسىم 2014 | GMT +5
شىمكەنتتە تەك قىز-كەلىنشەكتەر عانا جۇرگىزەتىن ەرەكشە تاكسيلەر پايدا بولدى
استانا. قازاقپارات - شىمكەنتتە جۇرگىزۋشىلەرى نازىك جاندىلاردان قۇرالعان ەرەكشە جەدەل تاكسي قىزمەت كورسەتە باستادى، دەپ حابارلايدى otyrar.kz.
ولار، ءتىپتى، اۆتوكولىكتىڭ دوڭگەلەگىن وزدەرى ۇرلەپ، ازداعان سىنعان-قيراعان جۇمىستارىن دا جوندەي بەرەدى.
ايتپاقشى، نازىك جاندىلاردىڭ وسى قىزمەتكە ورنالاسۋى ءۇشىن قاتاڭ كاستينگ ءوتىپتى. سىمباتتى بولۋ اسا ماڭىزدى ەمەس، باستى تالاپ - جۇرگىزۋشىنىڭ تاجىريبەسى 4 جىلدان كەم بولماۋى ءتيىس.
ايەل جۇرگىزۋشىلەردەن قۇرالعان جەدەل تاكسي قىزمەتىنىڭ باسشىلىعى وسى كاسىپتى قولعا الار كەزدە تۇتىنۋشىلارىنىڭ باسىم بولىگى قىز-كەلىنشەكتەر بولادى دەپ باعامداپتى. نازىك جاندىلاردىڭ كولىگىنە وتىرعاندار قىزىق اڭگىمە-دۇكەننىڭ ارقاسىندا الىس جول جاقىندادى، قىزىقتى ساپار بولدى دەگەن پىكىرلەر ءبىلدىرىپتى.
ايتا كەتەيىك، جەدەل تاكسي قىزمەتىنىڭ جۇرگىزۋشىلەرى جەرلەستەرىمىزدىڭ بۇل ماماندىقتارىنا سالماقپەن قاراۋلارىن سۇرانادى.
