09:10, 13 - ماۋسىم 2014 | GMT +5
برازيلياداعى نارازىلىق شەرۋى كەزىندە ءتىلشى جارالاندى
استانا. قازاقپارات - برازيليادا فۋتبولدان الەم چەمپيوناتىنىڭ وتكىزىلۋىنە قارسى نارازىلىق شەرۋى ءالى باسىلماي تۇر.
ءدۇبىرلى دوپ دوداسىنىڭ اشىلۋ ماتچى باستالار الدىندا سان- پاۋلۋ كوشەلەرىنە جيىرما شاقتى شەرۋشى شىعىپ، اشىلۋ سالتاناتىن بۇزباق بولعان.بۇل تۋرالى kp.ru جازادى.
ولار «يتاكەران» ستاديونىنا باسىپ كىرمەككە تالپىنعان. سونىڭ سالدارىنان ساقشىلار مەن ولاردىڭ اراسىندا ۇرىس ورىن العان. قۇقىق قورعاۋشىلار ءتىپتى نارازىلىق بىلدىرۋشىلەرگە قارسى كوزدى جاساۋراتاتىن گاز قولدانعان.
الدىن الا مالىمەتتەر بويىنشا، ۇرىس سالدارىنان 5 ادام جاراقات العان. زارداپ شەگۋشىلەردىڭ اراسىندا CNN ءتىلشىسى باربارا ارۆانيتيديس تە بار كورىنەدى. ول اياعىنا الدەنەنىڭ جارىقشاعى ءتيىپ، اۋرۋحاناعا جەتكىزىلگەن.
