08:18, 13 - ماۋسىم 2014 | GMT +5
يسپانيادا جاسىل ءتۇستى كۇشىكتەر دۇنيەگە كەلدى - فوتو
استانا. قازاقپارات - يسپانيادا جاسىل ءتۇستى كۇشىكتەر تۋدى، دەپ حابارلادى شەتەلدىك ب ا ق.
جەرگىلىكتى ماماندار مۇنداي جاعدايدىڭ وسىعان دەيىن كەزدەسپەگەنىن ايتىپ وتىر.
يسپانيانىڭ ۆاليادوليد ايماعىندا تۇراتىن ءيتتىڭ يەلەرى جاسىل كۇشىكتەردىڭ تۋعانىن كورگەندە قاتتى تاڭ قالعان.
ولار كىشكەنتاي ءارى ءالسىز بولعان. ءتىپتى بىرەۋى ءولىپ قالعان. ال ەكىنشىسى بولسا ءتۇسىن وزگەرتە باستاعان.
ماماندار تاجىريبەدە مۇنداي جاعدايدىڭ بولماعانىن ايتقانىمەن، بۇل جاسىل ءتۇستى كۇشىكتەردىڭ ءبىرىنشى رەت پايدا بولۋى ەمەس.
2012 - جىلى بريتانيالىق بۇقارالىق اقپارات قۇرالدارى جاسىل ءتۇستى لابرادور كۇشىگىنىڭ تۋعانىن حابارلاعان بولاتىن. ءبىراق ون كۇن وتكەن سوڭ ءيتتىڭ ءتۇسى وزگەرگەن.
عالىمدار ءتۇستىڭ بۇلاي وزگەرۋىنە پلاتسەنتتە بولاتىن زات سەبەپ بولۋى مۇمكىن دەپ سانايدى، دەپ جازادى ۋترو. رۋ.
