ەت ساسىسا تۇز سەبەدى، ەندى مىنە تۇز ساسىدى
يۋۆەنالدى پوليتسيا ينسپەكتورى مال ۇرلىعىن كاسىپ ەتكەن قاراقشى توپتىڭ بەلسەندى مۇشەسىنە اينالعان.
ول ۇرلانعان مالداردى تەكسەرۋ بەكەتتەرىنەن كۋالىگىن پايدالانۋ ارقىلى كەدەرگىسىز وتكەرىپ وتىرعان. كورسەتكەن كومەگى ءۇشىن قوماقتى ۇلەستەن دە قۇر قالماعان.
ءبىر قىلمىسكەر تەرگەۋگە كومەكتەسكەنى ءۇشىن سوت زالىنان بوساتىلدى. قالعاندارى 5 جىلدان 9 جىلعا دەيىن جازا ارقالادى. بارىمتاشىلار بىرنەشە ايدىڭ ىشىندە جالپى قۇنى 11 ميلليوننان استام تەڭگە بولاتىن 60 تان استام جىلقىنى قولدى قىلعان. وسى قىلمىستىق توپتى ۇيىمداستىرعان كۇدىكتى ىزدەستىرىلۋدە.
جانىبەك سەيىتجاپباروۆ، و ق و قىلمىستىق ىستەر جونىندەگى مامانداندىرىلعان اۋدان ارالىق سوتتىڭ ءتوراعاسى:
- بارلىعىنىڭ بەلگىلەنگەن مىندەتتەرى بار. سول مىندەتتەرىن ورىندايدى. ولار ءبىر-ءبىرىن تانىمايمىز دەيدى. ول دا مۇمكىن. ءبىراق ولار قىلمىستىق توپتىڭ قۇرامىندا ارەكەت جاساعان. وزدەرىنە بەرىلگەن مىندەتتى ورىنداعان. ونى سەيىتوۆ راحمان ۇيىمداستىرعان.
