02:28, 13 - ماۋسىم 2014 | GMT +5
حيللاري كلينتون جيەنى ءۇشىن پرەزيدەنتتىككە ۇمىتكەرلىكتەن باس تارتپاق
استانا. قازاقپارات - ا ق ش پرەزيدەنتى تاعىنا ەڭ باستى ۇمىتكەرلەردىڭ ءبىرى حيللاري كلينتون قىزى ءسابيلى بولعاننان كەيىن ساياساتتان كەتۋى مۇمكىن،
دەپ جازادى rosbalt.ru .
«كۇزدە مەن اجە اتانام. بۇل مەنىڭ ءومىرىمدى تۇبەگەيلى وزگەرتەدى. ول كەزدە ءوزىمدى قالاي سەزىنەتىنىمدى بىلمەيمىن. مەن اجە بولۋدىڭ قانداي ەكەنىن سەزىنگىم كەلەدى. مەنىڭ اجە بولعىم كەلەدى» ، - دەيدى 66 جاسار كلينتون.
ەكس- پرەزيدەنت بيلل كلينتوننىڭ جالعىز قىزى چەلسي ءوزىنىڭ جۇكتى ەكەنىن ءساۋىر ايىندا حابارلاعان بولاتىن. بولاشاق اتا مەن اجە جىل اياعىندا جيەن نەمەرەسى ومىرگە كەلەدى دەپ كۇتەتىندىكتەرىن ايتقان.
ايتا كەتەيىك، بۇرىنعى مەملەكەتتىك حاتشى ءوزىنىڭ پرەزيدەنت سايلاۋىنا قاتىساتىن- قاتىسپايتىنى جايلى ناقتى جاۋابىن جىل سوڭىندا بەرۋگە ءتيىس.
