قازاقستان حالىقارانى يراكتاعى تۇرىك ديپلوماتتارىن بوساتۋعا كۇش- جىگەرىن جۇمساۋعا شاقىرادى
دەلىنگەن ەلدىڭ سىرتقى ساياسات ۆەدومستۆوسىنىڭ مالىمدەمەسىندە.
«قازاقستان رەسپۋبليكاسىنىڭ سىرتقى ىستەر مينيسترلىگى يراكتاعى انبار، ديالا، نايناۆا جانە سالاح- ءاد- دين پروۆينسيالارىندا لاڭكەستىك توپتاردىڭ ءبىرقاتار قالالاردى قارۋدىڭ كۇشىمەن باسىپ الۋى سالدارىنان ايماقتىڭ بەيبىت حالقى اراسىنان بوسقىنداردىڭ وسۋىنەن شيەلەنىستىڭ ۋشىعۋىنا بايلانىستى جاعدايعا الاڭداۋشىلىعىن بىلدىرەدى» ، - دەلىنگەن مالىمدەمەدە.
س ءى م سونداي- اق «يراك جانە ليەۆانتا يسلام مەملەكەتى» لاڭكەستىك توپتارى سودىرلارىنىڭ موسۋل قالاسىندا تۇرىك كونسۋلدىعى قىزمەتكەرلەرى مەن ولاردىڭ وتباسى مۇشەلەرىن باسىپ الۋىن باتىل ايىپتايدى جانە يراك بيلىگىن ولاردى شۇعىل بوساتۋ ءۇشىن بارلىق كۇش- جىگەرىن جۇمساۋعا شاقىرادى.
«قازاقستان لاڭكەستىكتىڭ كەز كەلگەن كورىنىستەرىن ءۇزىلدى- كەسىلدى باتىل ايىپتايدى جانە حالىقارالىق قوعامداستىقتى تۇرىك ديپلوماتتارىن جانە ولاردىڭ وتباسى مۇشەلەرىن بوساتۋعا بارلىق كۇش- جىگەرىن سالۋعا شاقىرادى، ديپلوماتيالىق وكىلدىك قىزمەتكەرلەرى مەن پەرسونالىن ۇرلاپ اكەتۋ ەشقانداي جاعدايلارمەن اقتالۋى مۇمكىن ەمەس دەپ ەسەپتەيدى» . - دەلىنگەن مالىمدەمەدە.
قازاقستان ۇلتتىق كەلىسىمگە قول جەتكىزە وتىرىپ، ەلدىڭ ىشكى ساياسي ۇدەرىسىنىڭ بارلىق قاتىسۋشىلارىنىڭ توپتاسۋى ارقىلى بەيبىت، دەموكراتيالىق جانە گۇلدەنگەن مەملەكەت قۇرۋ جولىندا يراكتىڭ ۇكىمەتىنە جانە حالقىنا قولداۋ بىلدىرەدى.
