گولليۆۋدتا سولتۇستىك كوريانىڭ باسشىسى تۋرالى فيلم تۇسىرىلمەك

 استانا. قازاقپارات - سولتۇستىك كوريانىڭ «داڭقتى باسشىسى» كيم چەن ىن گولليۆۋدتىڭ «ينتەرۆيۋ» ساتيرالىق كومەدياسىنىڭ كەيىپكەرى اتانادى. ول ەكرانعا قازان ايىندا شىعادى.

  بۇل تۋرالى The Wall Street Journal حابارلادى.

فيلمدەگى باستى رولدەردى اكتەرلەر سەت روگەن مەن دجەيمس فرانكو وينايدى. ولار كحدر باسشىسىنان سۇحبات الۋ مۇمكىندىگىنە يە بولعان توك- شوۋ جۇرگىزۋشىلەرىنىڭ ءرولىن سومدايدى. كەيىن ولاردى بارلاۋ باسقارماسى ورتالىعى كيم چەن ىندى قاستاندىق جاساۋعا تارتادى.

 ەستەرىڭىزگە سالا كەتەيىك، وسىعان دەيىن كيم چەن ىننىڭ اكەسى كيم چەن ير دە گولليۆۋدتىڭ ساتيرالىق «امەريكا وتريادى» فيلمىنە كەيىپكەر بولعان ەدى.

سونىمەن بىرگە امەريكاندىق «Moneyhorse Games»  كومپانياسى باستى كەيىپكەرى كيم چەن ىن بولاتىن «اتاقتى كوشباسشى» دەگەن اتاۋمەن ۆيدە ويىن شىعارۋدى جوسپارلاپ وتىرعاندارىن جاريالادى.