قازاقستان «ستان» جۇرناعىنان باس تارتپايدى - ق ر سىرتقى ىستەر ءمينيسترى
ЕҒЕ اگەنتتىگىنىڭ تىلشىلەرى ىدىرىسوۆپەن پاريجدە اڭگىمەلەستى، دەپ حابارلادى InoPressa.ru.
قازاقستان ءوزىنىڭ حالىقارالىق ءيميدجىن نىعايتۋعا جانە الەمنىڭ ەڭ دامىعان 30 مەملەكەتىنىڭ قاتارىنا كىرۋگە نيەتتى، دەدى مينيستر. ەلدىڭ بولاشاعى كورىنىس تاپقان «ەكسپو-2017» كورمەسىن ءوزىنىڭ ءورشىل ماقساتتارىنا پايدالانادى.
قازاقستان باسقا ورتالىق ازيالىق ەلدەردەن ەرەكشەلەنۋى ءۇشىن «ستان» تىركەسىنەن باس تارتا ما دەگەن سۇراققا: «بۇل ب ا ق- تىڭ شىعارىپ جۇرگەندەرى، وعان شىنداپ ءمان بەرىپ جاتۋدىڭ قاجەتى جوق. قازاقستان جىل وتكەن سايىن بۇدان دا ورىستەي ءتۇسىپ، قازاقستان بولىپ قالادى» ، - دەپ جاۋاپ قايتاردى.
«ءىس جۇزىندە ءىرى كومىرسۋتەك ءوندىرۋشى ءارى ۋران وندىرۋدە الەمدەگى «ءنومىر ءبىرىنشى» مەملەكەت ەۋروپا مەن ازيا اراسىن بايلانىستىرۋشى بۋىن ءرولىن ورىنداپ، ورتامەرزىمدىك پەرسپەكتيۆادا حالىقارالىق ساياساتتىڭ تورىنەن ويىپ تۇرىپ ورىن الۋدى ماقسات ەتەدى. سونداي- اق ەلىمىز ەكولوگيالىق تازا ەنەرگياسى بار مەملەكەت رەتىندە تانىلۋعا ۇمتىلادى» ، - دەلىنگەن ماقالادا.
«ەۋرازيالىق ەكونوميكالىق وداق ەۋروپا مەن ازيا اراسىنداعى كوپىر قىزمەتىن اتقارۋعا بارىنشا قابىلەتتى» ، - دەپ جالعاستىردى ىدىرىسوۆ. وعان كەپىل - قازاقستان، رەسەي جانە بەلارۋستىڭ «تاۋارلاردى، قىزمەت تۇرلەرىن، كاپيتال مەن جۇمىس كۇشىن ەركىن تاسىمالداۋ ماقساتىندا ورتاق نارىق قۇرۋ» تۋرالى جاقىنداعى كەلىسىمى.
بۇل تۇرعىدا استانا ءوزىنىڭ ءىرى كوممەرسيالىق ارىپتەسى جانە ينۆەستورى - ە و- مەن ەكونوميكالىق جانە ديپلوماتيالىق قاتىناستارىن ودان ءارى دامىتا تۇسۋگە ۇمتىلادى. قازاقستان ىدىرىسوۆ «ەۋروپاداعى وزەكتى ارىپتەسى» دەپ اتاعان فرانسيانىڭ قولداۋىن پايدالانادى.
سارسەنبى كۇنى قازاقستاندا ەكسپو-2017 وتكىزۋ رەسمي ماقۇلداندى. ىدىرىسوۆ كورمە «جاڭا تەحنولوگيا جەتىلدىرىلۋى جانە بولاشاقتىڭ ەنەرگياسىن دامىتۋ تاسىلدەرىن كورسەتۋ ءۇشىن جاھاندىق تۇعىرناما» بولاتىنىنا سەنىم ارتادى.
