يتاليا قازاقستاندا كەمە جاساۋ زاۋىتىن سالادى

 بۋراباي. قازاقپارات - بۇگىن ەلباسى نۇرسۇلتان نازاربايەۆ ەلىمىزگە جۇمىس ساپارىمەن كەلگەن يتاليا پرەمەر- ءمينيسترى ماتتەو رەنتسيمەن كەزدەستى.

كەزدەسۋ بارىسىندا قازاقستان- يتاليا ىنتىماقتاستىعىنىڭ ساۋدا- ەكونوميكالىق جانە ينۆەستيتسيالىق سالالاردى قامتىعان باسىم باعىتتارى تالقىلاندى، سونداي- اق مۇناي- گاز، كولىك، ەنەرگەتيكا جانە اۋىل شارۋاشىلىعى سالالارىنداعى ءوزارا ءىس- قيمىل اياسىن كەڭەيتۋ پەرسپەكتيۆالارى قارالدى.

كەلىسسوزدەردىڭ قورىتىندىسى بويىنشا قازاقستان پرەزيدەنتى مەن يتاليا ۇكىمەت باسشىسىنىڭ قاتىسۋىمەن «قازمۇنايگاز» ۇ ك» ا ق پەن «ەني س. پ. ا» كومپانياسى اراسىندا يساتاي گەولوگيالىق بارلاۋ جوباسىن جانە كەمە جاساۋ ءارى جوندەۋ زاۋىتىنىڭ قۇرىلىسى جوباسىن جۇزەگە اسىرۋ تۋرالى كەلىسىمگە، ق ر يندۋستريا جانە جاڭا تەحنولوگيالار مينيسترلىگى، «يۆەكو س. پ. ا. » مەن «سارى ارقا اۆتوپروم» ج ش س اراسىنداعى ءوزارا تۇسىنىستىك تۋرالى مەموراندۋمعا قول قويىلدى.

ايتا كەتەيىك، يتاليا قازاقستاننىڭ الەمدەگى ساۋدا سەرىكتەستەرى ىشىندە ءۇشىنشى، ال ەۋروپالىق ەلدەر اراسىندا ءبىرىنشى ورىندا تۇر. قازىرگى ۋاقىتتا قازاقستاندا 320 عا جۋىق يتالياندىق كاسىپورىنداردىڭ وكىلدىكتەرى مەن بىرلەسكەن كاسىپورىندارى بار.

اۆتور: مارلان جيەمباي