مەملەكەت باسشىسى «تويوتا» جانە «شەلل» كومپانيالارىنىڭ باسشىلارىمەن كەزدەستى
كەزدەسۋدە نۇرسۇلتان نازاربايەۆ پەن ت. ۋچيامادا ەلىمىزدە اۆتوموبيل ونەركاسىبىن دامىتۋ، سونىڭ ىشىندە وسى «تويوتا» ماركالى اۆتوموبيلدەردى قازاقستان اۋماعىندا ءوندىرۋ ماسەلەلەرىن تالقىلادى.
«تويوتا موتور كورپورەيشن» - اۆتوموبيل قۇراستىرۋشى جاپونيالىق ءىرى كورپوراتسيا. ول قارجىلىق قىزمەتتەر دە ۇسىنىپ، بيزنەستىڭ وزگە دە باعىتتارىندا جۇمىس ىستەيدى. كومپانيا قىزمەتكەرلەرىنىڭ سانى 320 مىڭ ادامنان اسادى.
سونداي- اق، مەملەكەت باسشىسى «شەلل» كونتسەرنىنىڭ باس اتقارۋشى ديرەكتورى بەن ۆان بەردەنمەن كەزدەستى.
كەزدەسۋ بارىسىندا ەلدىڭ مۇناي جانە گاز سالاسىن ءارى قاراي دامىتۋ جانە نەگىزگى ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى.
ءتۇرلى ەنەرگەتيكالىق جانە مۇناي- حيميالىق كاسىپورىنداردى بىرىكتىرەتىن "شەلل" حالىقارالىق كونتسەرنى قازاقستاننىڭ مۇناي- گاز سالاسىنداعى ءىرى ينۆەستور بولىپ سانالادى.
