ادىلبەك جاقسىبەكوۆ برازيليادا وتەتىن الەم بىرىنشىلىگىنىڭ اشىلۋ سالتاناتىنا قاتىسادى

استانا. قازاقپارات - قازاقستان فۋتبول فەدەراتسياسىنىڭ پرەزيدەنتى ادىلبەك جاقسىبەكوۆ برازيليادا وتەتىن فۋتبولدان الەم چەمپيوناتىنىڭ اشىلۋ ماتچىنا قاتىسادى،

دەپ حابارلايدى ق ف ف باسپا ءسوز قىزمەتىنەن.

«ق ف ف پرەزيدەنتى ادىلبەك جاقسىبەكوۆ باستاعان قازاقستاندىق دەلەگاتسيا سان- پاۋلۋ قالاسىنداعى «ارەنا كورينتيانس» ستاديونىندا وتەتىن برازيليا مەن حورۆاتيا اراسىنداعى 2014 - جىلعى الەم چەمپيوناتىنىڭ العاشقى ويىنىن تاماشالاۋعا شاقىرتۋ الدى» ، - دەلىنگەن تاراتىلعان مالىمەتتە.

سونىمەن قاتار، دەلەگاتسيا قۇرامىندا قازاقستان فۋتبول فەدەراتسياسىنىڭ ءبىرىنشى ۆيتسە- پرەزيدەنتى اللەن ءشايجۇنىسوۆ پەن ۆيتسە- پرەزيدەنت ولجاس ابرايەۆ تا بار.

ق ف ف باسپا ءسوز قىزمەتىنىڭ حابارلاۋىنشا، قازاقستاندىق دەلەگاتسيا برازيلياعا الەم چەمپيوناتى باستالماستان بىرنەشە كۇن بۇرىن جەتىپ، 10  -ماۋسىمدا سان- پاۋلۋدا وتكەن حالىقارالىق فۋتبول فەدەراتسيالارى قاۋىمداستىعىنىڭ (ف ي ف ا) 64- كونگرەسىنە قاتىستى.

برازيليا فەدەراتيۆتى رەسپۋبليكاسىنىڭ استاناداعى ەلشىلىگىنىڭ كونسۋلدىق ءبولىمىنىڭ مالىمەتىنشە، الەم چەمپيوناتى اياسىندا ق ر 227 ازاماتى تۋريستىك ۆيزا الۋعا ءوتىنىش بىلدىرگەن.

ەستەرىڭىزگە سالا كەتەيىك، برازيليادا وتەتىن 20- الەم چەمپيوناتى 13- ماۋسىمدا باستالادى. الەمدىك بىرىنشىلىككە ىرىكتەۋ سىندارىنان سۇرىنبەي وتكەن 32 مىقتى قۇراما قاتىسادى.