اقتاۋ تەڭىز پورتىنىڭ قۋاتى ەكى ەسەگە ارتتىرىلادى

استانا. قازاقپارات - اقتاۋ پورتىنىڭ قۋاتى ەكى ەسەگە ارتتىرىلادى. مۇنداي ناتيجەگە قول جەتكىزۋگە «اقتاۋ پورتىن سولتۇستىك باعىتقا قاراي كەڭەيتۋ» جوباسى مۇمكىندىك بەرمەك.

 بۇل تۋرالى بۇگىن ورتالىق كوممۋنيكاتسيالار قىزمەتىندە ماڭعىستاۋ وبلىسى اكىمىنىڭ ورىنباسارى شولپان ىلمۇحانبەتوۆا ءمالىم ەتتى.

 ونىڭ سوزىنە قاراعاندا، 6 جىل بۇرىن باستالعان جوبا اياقتالۋعا جاقىن.

 «اقتاۋ پورتىنىڭ سولتۇستىك باعىتتا دامىتۋ» ءبىز ءۇشىن اۋقىمدى ينفراقۇرىلىمدىق جوبا. ءسوز جوق، ول جۇك اينالىمىنىڭ كولەمىن كۇرت ۇلعايتاتىن بولادى. وسى جوبانىڭ اياسىندا اقتاۋ پورتى ارقىلى جۇك تاسىمالى 2 ەسەگە دەيىن ارتادى دەپ كۇتىلۋدە. وسىعان بايلانىستى پورتتا ينفراقۇرىلىمدى زامانعا ساي كەلتىرۋ بويىنشا جۇمىستار اتقارىلۋدا»، - دەدى ش. ىلمۇحانبەتوۆا.

ايتا كەتەيىك، قازىرگى ۋاقىتتا اقتاۋ پورتى ارقىلى جىلىنا 14 ميلليون توننا جۇك وتۋدە. جوبا ىسكە اسقاننان كەيىن ونىڭ كولەمى 28 ميلليون تونناعا جەتەدى دەپ جوسپارلانۋدا.

 اۆتور: جاسۇلان جولدىبايەۆ