15:00, 12 - ماۋسىم 2014 | GMT +5
ن. نازاربايەۆ ەلىمىزدەگى «تويوتا فورتۋنەر» جول تالعامايتىن كولىكتەر ءوندىرىسىن ىسكە قوستى
بۋراباي. قازاقپارات - بۇگىن ەلباسى نۇرسۇلتان نازاربايەۆتىڭ قاتىسۋىمەن ق ر پرەزيدەنتى جانىنداعى شەتەل ينۆەستورلارى كەڭەسىنىڭ 27- جالپى وتىرىسىندا مەملەكەت باسشىسى Toyota Motor Corporation باسقارماسىنىڭ ءتوراعاسى تاكەشي ۋچيامادامەن بىرگە قوستانايداعى زاۋىتپەن تەلەكوپىر بارىسىندا تىكەلەي ەفيردە جاڭا جوبانى ىسكە قوستى.
«مەن بۇل زاۋىتتىڭ ءونىمى تەك قانا قازاقستاندا ەمەس، سونىمەن بىرگە ەۋرازيالىق ەكونوميكالىق وداقتىڭ جانە ءبىزدىڭ باسقا دا كورشى ەلدەردىڭ نارىعىن باعىندىراتىندىعىنا سەنىمدىمىن. ءبىزدىڭ ىنتىماقتاستىعىمىز ۇزاعىنان ءارى جەمىستى بولادى» ، - دەگەن ن. نازاربايەۆ جاڭا ءوندىرىس وشاعىن ىسكە قوستى.
ايتا كەتەيىك، كولىكتەر قوستانايداعى «سارىارقااۆتوپروم» زاۋىتىندا شىعارىلاتىن بولادى. ءوندىرىس ۇدەرىسىنە شاناق جيىنتىقتارىن دانەكەرلەۋ، سىرلاۋ جانە قۇراستىرۋ كىرەدى. بۇل زاۋىتتا الداعى ۋاقىتتا جىلىنا 3000 «تويوتو فورتۋنەر» كولىگىن شىعارۋ جوسپارلانىپ وتىر.
اۆتور: مارلان جيەمباي 
