شەتەل ينۆەستورلارى ءبىرقاتار سالىقتان بوساتىلادى - ق ر پرەزيدەنتى
«يندۋستريالاندىرۋدىڭ باسىمدىقتى سالالارىنىڭ ينۆەستورلارى كورپوراتيۆتىك تابىس سالىعىنان، جەر سالىعىنان 10 جىل مەرزىمگە بوساتىلاتىن بولادى. ال مۇلىك سالىعىنان 8 جىلعا بوساتىلادى» ، - دەدى مەملەكەت باسشىسى.
ەۋرازيالىق ەكونوميكالىق وداق قازاقستانداعى ينۆەستورلارعا جاڭا مۇمكىنشىلىكتەر اشادى.
«وزىمىزدە بىلەتىندەي، ءبىرقاتار ەلدەردە تۇراقسىزدىق بەلەڭ الىپ، ينۆەستيتسيالىق احۋال ناشارلاپ وتىرعان كەزدە قازاقستاندا ەكونوميكالىق وداق شەتەلدىك ينۆەستورلار ءۇشىن جاڭا مۇمكىنشىلىكتەر قالىپتاستىرادى. ءىس جۇزىندە بۇل وداققا مۇشە ءۇش ەلدىڭ جيىنتىق ەكونوميكاسىنىڭ كولەمى 2,5 تريلليون دوللاردى قۇرايدى. بۇل - ءبىرىڭعاي ەرەجەمەن جۇمىس ىستەيتىن سىيىمدىلىعى 170 تريلليون ادامدىق ورتاق نارىق، تاۋارلاردىڭ، جۇمىس كۇشىنىڭ، قىزمەتتەر مەن كاپيتالداردىڭ ەركىن قوزعالىسىنا جاعداي جاساۋ» ، - دەدى ن. نازاربايەۆ.
ەلباسىنىڭ اتاپ وتۋىنشە، ەۋرازيالىق ەكونوميكالىق وداقتىڭ قۇرىلۋى قازاقستاندا ينۆەستيتسيا قۇيۋ ءۇشىن جاڭا كوكجيەك اشاتىن بولادى.
اۆتور: مارلان جيەمباي
