قازاقستاندىق «كەرۋەن» موتوشەرۋى پاريجگە جەتتى

استانا. قازاقپارات - 2014 - جىلدىڭ 11- ماۋسىمىندا پاريج قالاسىندا ءوتىپ جاتقان حالىقارالىق كورمەلەر بيۋروسى باس اسسامبلەياسىنىڭ 155 سەسسياسىندا EXPO-2017 كورمەسىنىڭ تۋى قازاقستانعا رەسمي تۇردە تابىس ەتىلۋ سالتاناتىنا وراي فرانتسيا استاناسىنا قازاقستاندىق «كەرۋەن» موتوشەرۋىنىڭ قاتىسۋشىلارى دا كەلىپ جەتتى.

بۇل تۋرالى «استانا ەكسپو-2017» ۇلتتىق كومپانياسى» اق باسپا ءسوز قىزمەتىنەن حابارلادى.

 21 - مامىر 2014 - جىلى استانا ەكونوميكالىق فورۋمى كەزىندە ساپارعا اتتانعان موتوشەرۋ ماقساتى - قازاقستاننىڭ ميدجىن، "G-global" جوباسى مەن استانا ەكسپو-2017 ارنايى كورمەسىن ناسيحاتتاۋ.

موتوشەرۋ 39 كۇنگە جوسپارلانىپ، استاناعا - شىلدەنىڭ 6 سى - ەلوردانىڭ تۋعان كۇنى قارساڭىندا قايتىپ ورالادى دەپ كۇتىلۋدە. وعان دەيىن شۆەيتساريا، يتاليا، رۋمىنيا، تۇركيا، گرۋزيا جانە رەسەي اۋماعىنداعى 10 مىڭ شاقىرىمدىق جول بار.

موتوشەرۋدىڭ نەگىزگى ماقساتى - تورتكۇل الەمگە قازاقستاننىڭ مادەنيەتى مەن جەتىستىكتەرىن، «جاسىل ەكونوميكا» ەرەكشەلىكتەرىن، سپورت پەن تۋريزمنىڭ دامۋ بارىسىن، سونىمەن قاتار، ەلىمىزدىڭ نازار اۋدارالىق تاماشا تابيعاتىن، ساياحات ورىندارىن ناسيحاتتاۋ.