جۇمىستان بوساتىلعالى جاتقان قىزمەتكەرلەر تۋرالى مالىمەتتەردى جينايتىن نىسان بەكىتىلدى

 استانا. قازاقپارات - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ بۇيرىعىمەن «الداعى ۋاقىتتا جۇمىستان بوساتىلاتىن قىزمەتكەرلەر تۋرالى مالىمەتتەر» اكىمشىلىك دەرەكتەرىن جيناۋعا ارنالعان نىسان بەكىتىلدى.

بۇيرىققا سايكەس قىزمەتكەرلەردى جۇمىستان بوساتۋدى جوسپارلاپ وتىرعان كاسىپورىندار وڭىرلىك جۇمىسپەن قامتۋ ورگاندارىنا سول قىزمەتكەرلەر تۋرالى تولىققاندى مالىمەتتەر ۇسىناتىن بولادى. ونىڭ ىشىندە جۇمىستان بوساتىلاتىن قىزمەتكەردىڭ تەگى، اتى، اكەسىنىڭ اتى (قىزمەتكەردىڭ كەلىسىمىمەن) ، جۇمىستان بوساتىلاتىن قىزمەتكەردىڭ تۋعان كۇنى، ايى، جىلى، جۇمىستان بوساتۋ جوسپارلانىپ وتىرعان قىزمەتكەردىڭ جىنىسى، ءبىلىم دەڭگەيى، كاسىبى (قىزمەتكەردىڭ ءبىلىمى تۋرالى قۇجات بويىنشا ماماندىعى) ، قازىرگى جۇمىس ورنى بويىنشا كاسىبى (لاۋازىمى) ، كاسىبى بويىنشا جۇمىس ءوتىلى، جۇمىستان بوساتىلاتىن قىزمەتكەردىڭ بىلىكتىلىگى، قىسقارتىلاتىن لاۋازىم بويىنشا ەڭبەكاقى مولشەرى (تەڭگەمەن) ، جۇمىستان بوساتۋدىڭ كۇتىلەتىن كۇنى كورسەتىلەدى.

بۇيرىقتىڭ تولىق ءماتىنى مەن قوسىمشاسى رەسپۋبليكالىق ب ا ق- تاردا جاريالاندى.