بوسنيالىق اسقازانىنداعى قايشىمەن توعىز جىل ءومىر ءسۇردى - فوتو

استانا. قازاقپارات - بوسنيا مەن گەرتسەگوۆينانىڭ ازاماتى وتادان كەيىن ونىڭ اسقازانىندا قايشىنى ۇمىتىپ كەتكەن دارىگەرلەردى سوتقا بەردى.

الەن پاپاچ اسقازانى قاتتى اۋىرعاننان كەيىن رەنتگەنگە تۇسكەن كەزدە اعزاسىندا بوتەن زاتتىڭ بارىن بىلگەن.

اتاپ ايتقاندا، قايشى ەر ازاماتتىڭ دەنەسىندە توعىز جىل بويى بولعان. قايشىنى الىپ تاستاۋ بويىنشا وتا ەكى جىل بۇرىن جاسالعان ەكەن، الايدا وسى ۋاقىت ىشىندە زارداپ شەگۋشى دارىگەرلەردىڭ قاتەلىگىنەن اۋرۋحانادان وتەماقىنى تولەتە الماي كەلگەن. ەندى ول مەديتسينالىق مەكەمەمەن سوتتاسۋعا بەل بۋىپ وتىر.

38 جاسار پاپاچتىڭ ايتۋىنشا، 2003 - جىلى اسقازاننىڭ ويىق جاراسىنا جاسالعان وتادان كەيىن، ول جانعا باتاتىن اۋرۋ ۇستامالارىنان زارداپ شەككەن.

بۇدان كەيىن ول تەكسەرىلگەن كەزدە، دارىگەرلەر اسقازانداعى 12 سانتيمەترلىك قايشىنى انىقتادى. وسىدان سوڭ اعزاداعى بوتەن زاتتى الىپ تاستاۋ بويىنشا وپەراتسيا جاسالدى.

الايدا، بۇنداي دارىگەرلىك قاتەلىككە جول بەرىلۋىنە قاراماستان، اۋرۋحانا باسشىلىعى پاپاچقا ماتەريالدىق وتەماقى تولەۋدەن باس تارتقان كورىنەدى، دەپ جازادى شەتەلدىك ب ا ق.

اۆتور: رۋسلان عابباسوۆ